අධික වැසි හමුවේ අධිවේගී මාර්ගවල වාහන ධාවනය කිරීමේ දී විද්යුත් පූවරුවල සඳහන් අවවාදාත්මක වැකි කෙරෙහි අවධානය යොමු කරන ලෙස මාර්ග සංවර්ධන අධිකාරිය අධිවේගී මාර්ග භාවිත කරන රියදුරන්ගෙන් ඉල්ලා සිටිනවා.
එමෙන්ම වාහනවල ඉදිරිපස ලාම්පු දල්වා ධාවනය කරන ලෙසත්, විශේෂයෙන් පැයට කිලෝමීටර් හැට වේගසීමාවේ ධාවනයේ යෙදෙන ලෙසත් දැනුම් දෙනවා.
ඊට අමතරව වාහන දෙකක් අතර පරතරය තබාගෙන ධාවනය කරන ලෙසත්, එකවරම තිරිංග යෙදීමේ දී අනතුරුදායක ලෙස රථය ලිස්සා යාහැකි බැවින් ඒ පිළිබඳව අවබෝධයෙන් අධිවේගී මාර්ගයේ වාහන ධාවනය කරන ලෙසත් රියදුරන්ගෙන් ඉල්ලා සිටිනවා.
