ජාතික ඉන්ධන බලපත්‍ර ක්‍රමය, කොළඹ නගරයේ ස්ථාන කිහිපයක ඊයේ (21) පරීක්ෂාවට ලක් කෙරුණා.
එම ක්‍රමය සාර්ථක බවයි විදුලිබල හා බලශක්ති අමාත්‍ය කංචන විජේසේකර ට්විටර් පණිවුඩයක් නිකුත් කරමින් සඳහන් කළේ.
මේ අතර ජාතික ඉන්ධන බලපත්‍රය සඳහා ලියාපදිංචිවීමේ දී චැසි අංකය වෙනුවට, වාහන ආදායම් බලපත්‍රයේ අංකය ඇතුළත් කිරීමට නුදුරේදී ම පියවර ගන්නා බව වාර්තා වුණා.
මේ අතර දැවි තෙල් සහ පෙට්‍රල් තොගයක් රැගත් නෞකාවක් ඊයේ (21) මෙරටට පැමිණ ඇති බව වාර්තා වනවා.
අද (22) දිනයේ දී සිපෙට්කෝ පිරවුම්හල් හරහා ඉන්ධන බෙදාහැරීමේ දී වාහනයේ අවසන් අංකය අනුව රථවාහනවලට ඉන්ධන ලබාදීම සිදු කෙරෙන අතර ඒ අනුව අවසන් අංකය 06, 07, 08 සහ 09 යන අංක අවසානයට ඇති රථවාහන සඳහා ඉන්ධන නිකුත් කිරීම සිදුකරනු ලබනවා.
ඒ, අනුව යතුරුපැදියකට උපරිම රුපියල් 1,500ක්, ත්‍රිරෝද රථයකට රුපියල් 2,000ක් සහ අනෙකුත් වාහන සඳහා රුපියල් 7,000ක උපරිම මුදලකට යටත්ව ඉන්ධන නිකුත් කරනු ලබනවා.
