මෙරට තුළ පාරිභෝගිකයා දැඩි සූරා කෑමකට ලක්වන බව වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්ය වසන්ත සමරසිංහ පවසනවා.
ඒ, අනුව අත්යවශ්ය භාණ්ඩ රැසකට ඉදිරියේ දී උපරිම සිල්ලර මිලක් පනවන බවයි අමාත්යවරයා සඳහන් කළේ.
තඹුත්තේගම ප්රදේශයේ අද (16) පැවති වැඩසටහනකින් අනතුරුව මාධ්ය වෙත අදහස් දක්වමින් අමාත්යවරයා මේ බව සඳහන් කර සිටියා.
ඒ, අනුව භාණ්ඩ රැසකට උපරිම සිල්ලර මිල නියම කිරීමට පාරිභෝගික කටයුතු අධිකාරියේ; පාරිභෝගික කවුන්සිලය මේ වන විට කටයුතු සිදුකරමින් පවතින බවයි ඔහු වැඩිදුරටත් අදහස් දක්වමින් පැවසුවේ.
එලෙස නියම කරනු ලබන පාලන මිල ගණන් කඩිනමින් ජනතාවට දැනුම් දෙන බව ද ඔහු සඳහන් කළා.
මේ අතර වර්තමාන රුපියල් සීයකට අලෙවි කරන වතුර බෝතලය රුපියල් 40 කට අලෙවි කිරීමේ හැකියාවක් පවතින බවත්, රුපියල් 52 කට සපයන ලුණු පැකට්ටුව වෙළඳපොළේ රුපියල් 100ට අලෙවි කරන බවත් අමාත්යවරයා මෙහිදී සඳහන් කර සිටියා.
wpDiscuz
