අත්අඩංගුවට ගැනුණු බ්‍රිතාන්‍යයේ තුන්වන චාල්ස් රජුගේ බාල සොයුරු ඇන්ඩෲ මවුන්ට්බැටන්-වින්ඩ්සර් නිදහස් කර තිබෙනවා.
විදෙස් වාර්තා සඳහන් කරන්නේ විමර්ශනය යටතේ ඔහුව නිදහස් කිරීමට කටයුතු කර ඇති බවයි.
රජයේ නිල බලය අනිසි ලෙස භාවිත කිරීමේ සැකය මත ඊයේ (19) දින තුන්වන චාල්ස් රජුගේ බාල සොහොයුරා අත්දන්ගුවට ගනු ලැබුවා.
ඇන්ඩෲගේ 66 වන උපන් දිනය දා පූර්ව දැනුම්දීමකින් තොරව සැන්ඩ්‍රින්හැම් වතුයායේ පිහිටි ඔහුගේ නිවසට පැමිණි සිවිල් ඇඳුමින් සැරසුණු පොලිස් නිලධාරීන් කණ්ඩායමක් ඔහුව අත්අඩංගුවට ගැනීම විශේෂත්වයක්.
ලිංගික අපරාධකරුවන ඇමරිකානු ජාතික ජෙෆ්රි එප්ස්ටයින් සමඟ ඇන්ඩෲ පැවැත්වූ සබඳතා සම්බන්ධයෙන් නවතම අනාවරණයක් පාදක කරගනිමින් මෙම අත්අඩංගුවට ගැනීම සිදුකළ බව පොලිසිය පවසනවා.
මේ අතර තම සොහොයුරු ඇන්ඩෲව අත්අඩංගුවට ගැනීමට ප්‍රතිචාර වශයෙන් නීතිය තමන්ගේ ක්‍රියාමාර්ගය ගත යුතු බවත් පොලිසියට තමන්ගේ පූර්ණ සහයෝගය ලබාදෙන බවත් තුන්වන චාල්ස් රජු පවසා තිබුණා.
