ලොරි රථයක් සහ ත්‍රීරෝද රථයක් එකිනෙක ගැටීමෙන් සිදු වූ අනතුරකින් එක් අයෙකු මියගොස් තිබෙනවා.
මෙම අනතුර සිදු ව ඇත්තේ උතුරු පයාගල – ඈතගම ප්‍රදේශයේ දියි.
අනතුරට ලක් වූ ත්‍රීරෝද රථය කළුතර ප්‍රදේශයට පුද්ගලයෙකු ඇරලවා, නැවත නිවසට යමින් සිටියදියි ලොරි රථයේ ගැටී ඇත්තේ.
අනතුරෙන් මියගොස් ඇත්තේ බේරුවල, මාගල්කන්ද ප්‍රදේශයේ පදිංචිව සිටි අමිත් මධුෂාන් නමැති 34 හැවිරිදි දෙදරු පියෙක්.
ත්‍රීරෝද රථය කළුතර දෙස සිට බේරුවල දෙසට ගමන් කර ඇති අතර බේරුවල දෙසින් පැමිණි ලොරි රථයක ගැටී මෙම අනතුර සිදු වුණා.
️අනතුරින් තුවාල ලැබූ ත්‍රිරෝද රථ රියදුරු කළුතර නාගොඩ ශීක්ෂණ රෝහලට රැගෙන ගිය ද එහිදී ජීවිතක්ෂයට පත් වූ බවයි වාර්තා වන්නේ.
ලොරිරථ රියදුරු අත්අඩංගුවට ගෙන තිබෙනවා.
පයාගල පොලිසිය පරීක්ෂණ පවත්වනවා.
මේ අතර ඊයේ (06) අහුන්ගල්ල පොලිස් වසමේ ගාල්ල – කොළඹ ප්‍රධාන මාර්ගයේ බලපිටිය බස් නැවතුම්පොළ අසල දී මාතර දෙස සිට කොළඹ දෙසට ධාවනය වූ බස් රථයක් බලපිටිය බස් නැවතුම්පොළෙහි මගීන් බස්සවා නැවත ධාවනය කිරීමේ දී පාපැදිකරුවෙකු ගැටී බස් රථයට යට වී අනතුරක් සිදු වුණා.
අනතුරින් පාපැදිකරු බරපතළ තුවාල ලබා බලපිටිය රෝහලට ඇතුළත් කර ප්‍රතිකාර ලබමින් සිටියදී ඔහු ජීවිතක්ෂයට පත් ව ඇති බවයි වාර්තා වන්නේ.
මරණකරු 60 හැවිරිදි බලපිටියේ ම පදිංචිකරුවෙක්.
