අම්බලන්ගොඩ අකුරළ වෙරළ තීරයේ දිය නෑමට ගොස් සිටියදී රළ පහරට හසුවී අතුරුදන් වූ සිසුවාගේ සිරුර හමුවී තිබෙනවා.
ඊයේ (13) පස්වරුවේ දිය නෑමට ගොස් සිටියදී දියේ ගසා ගෙන ගොස් අතුරුදහන්ව සිටි මෙම සිසුවාගේ සිරුර අද (14) අකුරළ වෙරළ තීරයට ගොඩ ගසා තිබියදී යි සොයාගෙන ඇත්තේ.
මෙලෙස මියගොස් ඇත්තේ මීටියාගොඩ වෙදවත්ත ප්‍රදේශයේ පදිංචි අම්බලන්ගොඩ ධර්මාශෝක විදුහලේ එකොළොස් වන වසරේ ඉගෙනුම ලැබූ 17 හැවිරිදි සිසුවෙක්.
තවත් සිසුන් දෙදෙනෙකු සමග මිය ගිය සිසුවා මුහුදේ දිය නාමින් සිටියදී තිදෙනාම මුහුදට ගසා ගෙන ගොස් ඇති අතර අනෙක් දෙදෙනා ප්‍රදේශවාසීන් විසින් බේරා ගනු ලැබුවා.
මිය ගිය සිසුවා බේරා ගැනීමට නොහැකිවී ඇති අතර ඔහු මුහුදේ ගසා ගෙන ගොස් අතුරුදන් වී තිබුණා.
බේරාගත් සිසුන් දෙදෙනා ප්‍රතිකාර සඳහා ඊයේ බලපිටිය රෝහලට ඇතුලත් කෙරුණු අතර ඔවුන් දෙදෙනාගේ තත්වය ද බරපතල බවටයි රෝහල් ආරංචි මාර්ග සඳහන් කළේ.
අවුරුදු නිවාඩුව හේතුවෙන් මෙම සිසුන් තිදෙනා මිතුරෙකුගේ නිවසකට යන බවට තම නිවෙස්වලට දන්වා මුහුදේ දිය නෑමට ගොස් තිබූ බවටයි හෙළිවී ඇත්තේ.
අම්බලන්ගොඩ පොලිසිය මේ සම්බන්ධයෙන් වැඩිදුර පරීක්ෂණ සිදු කරනවා.
