පාස්කු ඉරුදින ත්රස්ත ප්රහාරය සඳහා කුමන්ත්රණය කළා යැයි සැකපිට අත්අඩංගුවේ සිටින හිටපු බුද්ධි අංශ ප්රධානි මේජර් ජනරාල් සුරේෂ් සලේ සියදිවි නසාගැනිමේ අවදානමක් ඇතැයි ඔහුගේ නීතිඥයින් වන ජනාධිපති නීතිඥ ශවේන්ද්ර ප්රනාන්දු සහ නීතිඥ අසිත් සිරිවර්ධන අධිකරණයට කරුණු වාර්තා කරමින් ප්රකාශ කළා.
ඒ කොළඹ කොටුව මහෙස්ත්රාත් පසන් අමරසේන මහතා විසින් අද (03) මෙම නඩුව කැඳවු අවස්ථාවේදීයි.
එම නීතිඥයන් වැඩිදුරටත් පෙන්වාදුන්නේ, සුරේෂ් සලේ මහතා පිළිබඳව දැනට ලබා දී ඇති අධිකරණ වෛද්ය වාර්තා මත පදනම්ව සුරේෂ් සලේ මහතාට කාන්සාව විශාදය සහ පශ්චාත් කම්පන ආතති අක්රමිකතා (PTSD ) ඇතැයි ඇති බවට අධිකරණ වෛද්ය වාර්තාවල සඳහන් බවයි.
අපරාධ පරීක්ෂණ දෙපාර්තමේන්තුව තුළදී ඔහුව වධ හිංසාවට ලක් කිරීම හේතුවෙන් මෙම මානසික තත්වයන් ඇතිවීමට බලපා ඇති බවට නීතිඥයින් එහිදී සඳහන් කළා.
එම නිසා සුරේෂ් සලේ මහතාව එම දෙපාර්තමේන්තුවෙන් වෙනත් ස්ථානයකය්ට යොමු කොට සුදුසු මානසික ප්රතිකාරයන් සඳහා යොමු කරන ලෙස ඔහුගේ නීතිඥයින් අධිකරණය හමුවේ ඉල්ලීමක් කළා.
කෙසේවෙතත් මෝසමක් මගින් මෙම නඩුව කැඳවමින් අධිකරණයට ඉදිරිපත් කර තිබුණු අතර මෙම මෝසම කැඳවන අවස්ථාවේදි අපරාධ පරීක්ෂණ දෙපාර්තමේන්තුව, නීතිපති දෙපාර්තමේන්තුව හෝ අගතියට පත් පාර්ශවය නියෝජනය කරන නීතිඥවරුන් පෙනී සිටියේ නැහැ.
ඒ අනුව මහේස්ත්රාත්වරයා විසින් එම පාර්ශවවලට නොතිස් නිකුත් කළා.
හෙට (ජූනි 04 වැනිදා) මෙම නඩුව නැවත විභාගයට ගෙන මෙම කරුණු නැවත සලකා බැලීමට නියමිතයි.
