ජාත්‍යන්තර ක්‍රිකට් කවුන්සිලය විසින් නම් කරනු ලබන වසරේ (2022) විස්සයි විස්ස ක්‍රිකට් ක්‍රීඩකයා ලෙස ඉන්දීය සුපිරි පිතිකරු සූර්යකුමාර් යාදව් නම් කර තිබෙනවා.
පසුගිය වසර තුළ සූර්යකුමාර් යාදව් පිත්තෙන් වාර්තා රාශියක් බිඳ දමමින් විස්සයි විස්ස පිටිය තුළ කැපී පෙනෙන දක්ෂතා දැක්වීමට සමත් වුණා.
එහිදී ඔහු විස්සයි විස්ස පිටියේ දී 2022 කැලැන්ඩර වර්ෂය තුළ ලකුණු 1000 ඉක්ම වූ දෙවන පිතිකරුවා බවට පත් වූ අතර, පසුගිය වසරේ ඔහු එම ආකෘතිය තුළ රැස්කළ ලකුණු සංඛ්‍යාව 1164ක්.
මේ අතර අයි.සී.සීය විසින් 2022 වසරේ නැගී එන ක්‍රීඩකයා ලෙස දකුණු අප්‍රිකාවේ මාර්කෝ ජැන්සන් තේරී පත්ව තිබෙනවා.
මාර්කෝ ජැන්සන් දකුණු අප්‍රිකාව වෙනුවෙන් පසුගිය වසරේ දී ටෙස්ට් කඩුලු 36ක් සහ ලකුණු 234ක් රැස්කරගෙන ඇති අතර, එක්දින කඩුලු දෙකක් සහ විස්සයි විස්ස එක් කඩුල්ලක් දවා ගත්තා.
වසරේ නැගී එන ක්‍රීඩකයා ලෙස මාර්කෝ ජැන්සන් තේරීපත් වුනේ ඉන්දීය වේග පන්දු යවන ක්‍රීඩක අර්ෂ්දීප් සිං, ඇෆ්ගනිස්තානයේ ඊබ්‍රහීම් සද්‍රාන් සහ නවසීලන්ත පිතිකරු ෆින් ඇලන් පසුකර යමින්.
