ආන්දෝලනාත්මක ප්‍රකාශය කින් පසු පාර්ලිමේන්තු මන්ත්‍රී වඩිවේල් සුරේෂ් මහතා ජනාධිපති රනිල් වික්‍රමසිංහ මහතා හමුවී තිබෙනවා.
අනතුරුව විපක්ෂ නායක කාර්යාලයේදී විපක්ෂ නායක සජිත් ප්‍රේමදාස ද හමුවූ බවයි මන්ත්‍රීවරයා කියාසිටියේ.
එම සාකච්ඡාවෙන් අනතුරුව මාධ්‍ය වෙත අදහස් දැක්වූ ඔහු පැවසුවේ කම්කරුවන්ගේ ප්‍රශ්න පිළිබඳව ජනාධිපතිවරයා සමඟ සාකච්ඡා කළ අතර ඊට යහපත් ප්‍රතිචාර ලැබුණු බවයි.
ඉන්පසුව විපක්ෂ නායකවරයා මුණගැසුණු අතර ඔහු සමග තනිව සාකච්ඡා කළ බාවයි මන්ත්‍රීවරයා ප්‍රකාශ කළේ.
එහිදී විපක්ෂ නායකවරයා වතුකරයේ ජනතාව අමතා සමාව ගන්නා බව ද සඳහන් කළ බාවා වඩිවේල් සුරේෂ් මහතා මෙහිදී සඳහන් කළා.
රජයේ ඇමතිකමක් ලබා ගන්නේදැයි මාධ්‍යවේදීන් යොමු කළ පැනයකට පිළිතුරු දෙමින් මන්ත්‍රීවරයා කියාසිටියේ “මම වෘත්තීය සමිති කාරයෙක්. මම වතුකරයේ ජනතාවගේ අයිතිවාසිකම් වෙනුවෙන් පෙනී සිටින්නේ. මම ජනාධිපතිතුමා මෙන්ම විපක්ෂ නායකතුමා සමඟ සිටිනවා. ආණ්ඩුවට යනවා නම් යන්නේ සමගි ජන බලවේගය සමගයි” යනුවෙන්.
