මැදවච්චිය – පූනෑව නාවික හමුදා කඳවුරේ සේවය කරන ජ්‍යෙෂ්ඨ නාවික හමුදා නිලධාරියෙක් වන අලි පහරදීමකින් ඊයේ (29) රාත්‍රියේ මියගොස් තිබෙනවා.
මෙම නිලධාරියා නාවික හමුදා කඳවුරට ඊයේ (29) රාත්‍රියේ බස් රථයකින් පැමිණ ඇති අතර, ඔහු කඳවුර අසළ දී බසයෙන් බැස
වෙළඳසැලැක් වෙත යමින් සිටිය දී වන අලි ප්‍රහාරයට ලක්ව ඇති බවයි වාර්තා වන්නේ.
වන අලි ප්‍රහාරයෙන් බරපතළ තත්ත්වයේ සිටි නාවික නිලධාරියා ප්‍රතිකාර සඳහා වවුනියාව මහ රෝහලට ඇතුළත් කර ද ඔහුගේ ජීවිතය බේරාගැනීමට හැකියාව ලැබී නැහැ.
මෙලෙස මියගොස් ඇත්තේ පූනෑව නාවික හමුදා කඳවුරේ ප්‍රවාහන අංශ භාරව සිටි ලුතිනන් කමාන්ඩර් ජේ.ඒ.එම්.සී.ජයකොඩි නැමැති නිලධාරියායි.
ඔහු නිට්ටඹුව, මාතලාන ප්‍රදේශයේ පදිංචි අයෙක්.
මියගිය නාවික නිලධාරියාගේ මෘත ශරීරය මේ වනවිට වවුනියාව රෝහලේ තැන්පත්කර තිබෙනවා.
ඔබේ ප්‍රතිචාරය කුමක්ද ?
+1
+1
2
+1
+1
1
+1
15
+1
1
+1
