දිට්වා සුළි කුණාටුවත් සමඟ ආපදාවට පත් පාසල් යළි යථාතත්ත්වයට පත්කිරීම සම්බන්ධයෙන් යුනිසෙෆ් සංවිධානයේ නියෝජිතයින් සහ අග්රාමාත්ය හරිනි අමරසූරිය අතර හමුවක් සිදුව තිබෙනවා.
අග්රාමාත්ය කාර්යාලයේ දී ඊයේ (20) පැවති මෙම හමුවේ දී ආපදා තත්ත්වයෙන් බලපෑමට ලක්වූ ශිෂ්ය ප්රජාව ආරක්ෂා කර ගැනීම සහ හානියට පත් වූ පාසල් පද්ධතිය යළි නගාසිටුවීම සඳහා රජය කටයුතු කරන ආකාරය පිළිබඳව සහ ඊට ඇති අභියෝග පිළිබඳව අග්රාමාත්යවරිය, නියෝජිතයින් පිරිසට කරුණු පැහැදිලි කළා.
නායයාම් ආශ්රිත පාසල් නැවත එම ස්ථානවලම විවෘත කිරීම අතිශය අනතුරුදායක බැවින් එවැනි පාසල් හඳුනාගෙන, විද්යාත්මක පදනමක් මත සුදුසු ස්ථානයක ස්ථානගත කිරීම කෙරෙහි රජය අවධානය යොමුව ඇති බවයි අග්රාමාත්යවරිය මෙහිදී වැඩිදුරටත් පවසා ඇත්තේ.
එමෙන්ම පාසල්වල යටිතල පහසුකම් යළි ඇති කිරීම, ඇතැම් පාසල් එකට සම්බන්ධකර පවත්වාගෙන යාම, ඩිජිටල් හා තාක්ෂණික උපාය මාර්ගවලින් ඉගෙනුම් හා ඉගෙනීම් ක්රියාවලිය පහසු කිරීම, විශේෂිත ප්රවාහන පහසුකම් සැලසීම වැනි අංශ පිළිබඳ අවධානය යොමුකර තිබෙන බවත්, රජය මෙම ගැටලු දෙස ගැඹුරින් බලමින්, එයට දිගුකාලීන විසඳුම් සෙවීම කෙරෙහිද අවධානය යොමු කර තිබෙන බව අග්රාමාත්යවරිය මෙහිදී පෙන්වා දුන්නා.
අධ්යාපන ක්ෂේත්රය යළි යථා තත්ත්වයට පත්කරලීමට රජයක් වශයෙන් දක්වන කැපවීම සහ ඒ සඳහා ගෙන යන වැඩපිළිවෙළ මෙහිදී ඇගයීමට ලක් කළ යුනිසෙෆ් නියෝජිත පිරිස රජයට අවශ්ය උපරිම සහාය ලබාදෙන බව සඳහන් කළා.
