වනඅලි ප්රහාරයට ලක්ව බරපතළ තුවාල ලැබූ හසලක, පල්ලේවත්ත ප්රදේශයේ පුද්ගලයෙකු අද (04) උදෑසන මහියංගන මූලික රෝහලට ඇතුළත් කර තිබෙනවා.
වියරු වැටුණු වනඅලියා විසින් එම ස්ථානයේ තිබූ ත්රීරෝද රථයකට ද පහර දී ඇති බවයි අප වාර්තාකරු සඳහන් කරන්නේ.
හසලක – පල්ලේවත්ත මහවැලි ගංඟාව ආසන්නයේ පිහිටි පරගහමුකලාන ප්රදේශයේ පදිංචි ඒ. ජි. සමන් කුමාර නමැති 46 හැවිරිදි පුද්ගලයෙක් සිද්ධියෙන් තුවාල ලබා රෝහල්ගත කර තිබෙනවා.
කිසියම් අවශ්යතාවක් සඳහා මහමග ගමන් කරමින් සිටියදී මහවැලි ගංගාව දෙස සිට දිව ආ වනඅලියා ඔහු පසුපස පන්නා මෙලෙස පහර දී ඇති බව සඳහන්.
අලියාගේ පහරදීමෙන් ඔහුගේ අතකට හා පාදයකට හානි සිදුව තිබෙනවා.
ප්රහාරයෙන් පසු බරපතළ තත්ත්වයේ පසුවුණු මොහු ගම්වාසීන් විසින් මහියංගන මුලික රෝහලට ඇතුළත් කරනු ලැබුවා.
හසලක වනජීවී අඩවි ආරක්ෂක කාර්යාලයේ නිලධාරීන් වනඅලියා පන්නා දැමීමට කටයුතු කර ඇති බවයි වාර්තා වන්නේ.
