මහ මැතිවරණයට අදාළ තැපැල් ඡන්ද භාර ගැනීම අද (25) සිට ආරම්භ කෙරෙන බව මැතිවරණ කොමිෂන් සභාව පවසනවා.
එහි කොමසාරිස් ජනරාල් සමන් ශ්‍රී රත්නායක මහතා පැවසුවේ; දිස්ත්‍රික්ක 22ක තුළ ම දින 07ක කාලයක් තුළ දී තැපැල් ඡන්ද අයදුම්පත් භාරගැනීමට කටයුතු සලසා ඇති බවයි.
පිළිගත් දේශපාලන පක්ෂ සහ ස්වාධීනව තරග කළ හැකි අපේක්ෂයින්ට මැතිවරණ නාම යෝජනා විවෘත ව පවතින බවයි මැතිවරණ කොමිෂන් සභාව පැවසුවේ.
මහ මැතිවරණය පැවැත්වෙන්නේ සමානුපාතික නියෝජන ක්‍රමය යටතේ යි.
මහමැතිවරණය නොවැම්බර් 14 වැනිදා පැවැත්වීමට නියමිත අතර ඒ සඳහා නාම යෝජනා භාර ගැනීම ඔක්තෝබර් මස 04 වැනිදා සිට ඔක්තෝබර් මස 11 වැනිදා දහවල් 12 දක්වා සිදු කරනු ලබනවා
මෙම මැතිවරණය සඳහා ද මැතිවරණ වියදම් නියාමන පනත අදාළ වන අතර රාජ්‍ය දේපොළ පරිහරණ චක්‍රලේඛනය ද වලංගු වනු ඇති.
එමෙන්ම අද දින සිට මැතිවරණ නීති ක්‍රියාත්මක බවයි කොමිෂන් සභාව නිවේදනය කළේ.
සහනාධාර ආදිය බෙදාහැරීම කිසිලෙසකින් සිදු කළ නොහැකි බව ද මැතිවරණ කොමිෂන් සභාව පවසනවා.
එළඹෙන නොවැම්බර් මස 14 වැනි දින මහ මැතිවරණය පැවැත්වෙන බව ජනාධිපතිවරයා විසින් ඊයේ පාර්ලිමේන්තුව විසුරුවා හැරීමට නිකුත් කළ චක්‍රලේඛයේ දැක්වෙනවා.
