AI රෙගුලාසිවලට අදාළ ගැටළු සහ AI සඳහා පොදු ගෝලීය රාමුවක් සැකසීම ඇතුළුව AI හා සම්බන්ධ සියලු කාරණා සඳහා ඉහළම අධිකාරිය බවට කෘත්රීම බුද්ධිය පිළිබඳ ගෝලීය හවුල්කාරිත්වය (GPAI) පත් කිරීමේ ප්රයත්නය සඳහා ප්රධාන රටවල් එකතු කර ගැනීමට ඉන්දියාව සමත් වී තිබෙනවා.
එක්සත් ජනපදය, ප්රංශය, කැනඩාව, එක්සත් රාජධානිය, ජපානය, කොරියාව, බ්රසීලය සහ ආර්ජන්ටිනාව ඇතුළු රටවල් ගැටලුව සම්බන්ධයෙන් එකඟතාවයකට පැමිණ ඇති අතර අවසන් නිවේදනය නුදුරේ දී ම සිදුවනු ඇති බව ද ඉකොනොමික් ටයිම්ස් වෙබ් අඩවිය වාර්තා කරනවා.
කෘත්රීම බුද්ධිය වගකීමෙන් සංවර්ධනය කිරීම සහ භාවිතය කෙරෙහි අවධානය යොමු කරන ප්රධාන ජාත්යන්තර මුලපිරීමක් වන GPAI හි වත්මන් සභාපතිවරයා ඉන්දියාවයි.
GPAI තවත් රටවලට ව්යාප්ත කිරීමෙන් සහ එය අග්රස්ථ ආයතනයක් ලෙස තබා ගැනීමෙන්, උත්සාහය වන්නේ ජීවිතයේ සහ ව්යවසායයේ සෑම ක්ෂේත්රයක්ම පරිවර්තනය කරන AI පිළිබඳ ගෝලීය ප්රතිපත්ති සම්පාදනයේදී ඔවුන්ගේ වැඩි අදහස් දැක්වීමයි.
මේ සඳහා ඉන්දියාව රටවල් 29ක් සමග සාකච්ඡා කරමින් සිටින බව මධ්යම රජයේ ඉලෙක්ට්රොනික හා තොරතුරු තාක්ෂණ අමාත්යවරයා පසුගිය වසරේ දෙසැම්බර් මාසයේ දි අනාවරණ කළා.
