හිටපු අමාත්‍ය බැසිල් රාජපක්ෂ මහතා දිවිනැගුම පනත හරහා ඔහුගේ පෞද්ගලික බුදලයක් වශයෙන් සමෟද්ධි ව්‍යාපාරය ලියාගත් බවත් එම ව්‍යාපාරයට රුපියල් කෝටි දහ පහලොස් දහසක් අවභාවිතා කරමින් සමෟද්ධි ව්‍යාපාරය සම්පූර්ණයෙන් බංකොලොත් කොට ඇති බවත් සමෟද්ධි වෘතීය සේවක සංගමය චෝදනා කර සිටී.
සමෟද්ධි වෘතීය සේවක සංගමයේ ප්‍රධාන සංවිධායක සහ මාධ්‍ය ප්‍රකාශක කීර්ති බණ්ඩාර මහතා ඒ බව අවධාරණය කරමින් වැඩිදුරටත් මෙසේ පැවසීය .
“පසුගිය මහ මැතිවරණයේදී විමල් වීරවංශ මහතා විපක්ෂයට චෝදනාවක් එල්ල කරමින් මහ බැංකුව මංකොල්ල කෑ අය නැවත ගෙන ආවොත් සමෟද්ධි බැංකුව මංකොල්ල කන බවට චෝදනාවක් කළා . එහෙත් එසේ චෝදනා කළ අයම අද සමෘද්ධි බැංකුව කොල්ල කා හමාරයි .
පසුගිය කොරෝනා සමයේ රුපියල් 5000 මුදල් ගත්තේ සමෟද්ධි බැංකුවෙන්. ඒ මුදල් බෙදා හැරියේ රජයේ ගෞරවය රැක ගන්නයි . නමුත් ඒවා සුදුස්සන්ට ලැබුණෙත් නැහැ . ඒවා ලැබුණේ කෝටිපතියන්ට. මේ මුදල් විසිපන් ලක්ෂයක් වූ අහිංසක මිනිසුන් විසින් ඉතුරු කර සමෘද්ධි බැංකුවේ තැන්පත් කොට තිබූ මුදල්. එ් මුදල් වලට සිදු වූ දේ පිළිබඳව තාම ගනුදෙනුකරුවන් දන්නේ නැහැ . මේ මජර දේශපාලනයත් සමඟ සමෟද්ධි බැංකුවත් අවසන් ගමන් ගිහින් තිබෙනවා.
සමෟද්ධි බැංකුව බංකොලොත් කළ අය අද වන විට ජනාධිපතිවරයා ගේ පුටුව අස්සේ රිංගා ගෙන සර් යන්න එපා, සර් යන්න එපා, කියමින් සිටිනවා . සිංහාසනය ගිනිගන්නා විට එය නිවවා වෙනුවට ඉන් ගිනි තපිමින් සිටිනවා”
සහතික ඇත්ත ඒ වගේම සිල් රෙදි බෙදන්න යකඩ බට ගන්න ලිත් ගහන්න ගියෙත් සමෘද්ධි මිනිස්සු එකතු කරපු සල්ලි.ඒ හන්ද නඩු වලින් නිදහස් උනාට ඒ සල්ලි ලැබුනේ නැහැ.එම නිසා එම මුදල් අයකර ගත යුතුයි.එයට සහය දුන් අධ්‍යක්ෂ ජෙනරාල් ද දඩුවම් විදිය යුතුයි