ඊයේ (28) උදෑසන කාලයේ කෑගල්ල, කොස්සින්න ප්‍රදේශයේ දී පුද්ගලයෙක් ඝාතනය කර නිවසේ තිබූ මෝටර් රථය සොරාගෙන ගොස් ඇති බව පොලිසිය පවසනවා.
අදාළ පුද්ගලයා අත් පා ගැට ගසා කටට ප්ලාස්ටර් ගසා මෙම ඝාතනය සිදුකර ඇති අතර, ඝාතනයට ලක්ව ඇත්තේ වයස අවුරුදු 75 හැවිරිදි පුද්ගලයෙක්.
සිද්ධිය සිදුවන අවස්ථාවේ දී ඝාතනයට ලක් වූ පුද්ගලයාගේ බිරිඳ ද නිවසේ සිට ඇති අතර, සැකකරුවන් විසින් ඇයට ද පහර දී ඇති බවයි වාර්තා වුණේ.
පහර කෑමෙන් තුවාල ලබා සිටි ඇය ප්‍රතිකාර සඳහා කෑගල්ල රෝහලට ඇතුළත් කර ඇති බවයි පොලිසිය පැවසුවේ.
සැකකරුවන් විසින් සොරාගෙන ගිය මෝටර් රථය පින්දෙනිය ප්‍රදේශයේ දමා ගොස් තිබිය දී සොයාගෙන තිබෙනවා.
සිද්ධියට සම්බන්ධ සැකකරුවන් අත්අඩංගුවට ගැනීම සඳහා කෑගල්ල පොලිසිය වැඩිදුර පරීක්ෂණ මෙහෙයවනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
1
