2025 වසරට ඉදිරිපත් කිරීමට නියමිත ව මහපොළ ශිෂ්යාධාර වාරික මුදල රුපියල් 10,000 සීමාව දක්වා වැඩි කරන ලෙසට යෝජනාවක් ඉදිරිපත් වී තිබෙනවා.
එම යෝජනාවට අදාළ ලිපිය අන්තර් විශ්වවිද්යාලයීය ශිෂ්ය බලමණ්ඩලය අද (23) පෙරවරුවේ දී වෙළෙඳ අමාත්ය වසන්ත සමරසිංහ මහතා වෙත භාර දීම සිදු කළා.
පසුගිය කාලසීමාව තුළ රටේ පැවැති ආර්ථික අර්බුදය හේතුවෙන් භාණ්ඩ හා සේවාවල මිල විශාල වශයෙන් වැඩිවීම ජනතාවගේ ජීවන වියදම ඉහළ යාමට ප්රධාන වශයෙන් බලපෑ අතර විශ්වවිද්යාල ශිෂ්යයන්ගේ මාසික වියදම ද මේ අනුව ම වැඩි වී ඇති බවයි අන්තර් විශ්වවිද්යාල ශිෂ්ය බලමණ්ඩලය පැවසුවේ.
තත්ත්වය එසේ වුව ද විශ්වවිද්යාල සිසුන්ට ලැබෙන සොච්චම් මුදල තවම වසර 10කින් වැඩි වී නොමැති බවයි ඔවුන් චෝදනා කරන්නේ.
2015 සිට තවමත් මහපොළ වාරිකය රු.5000 ක් ලෙසත් ශිෂ්යාධාර වාරිකය රු 4000ක් ලෙසත් වැඩි නොවී පවතිනු ඇති.
ශිෂ්යයෙකුගේ මාසික වියදම් රු.25000 ක් පමණ අගයක් දක්වා වැඩිවුව ද, දෙමාපියන් හට තවත් අමතරව යම් මුදලක් විශ්වවිද්යාලයේ ඉගෙනුම ලබන තම දුවට හෝ පුතාට ලබාදිය නොහැකි බැවින් මෙම ඉල්ලීම රජයෙන් සිදු කිරීමට කටයුතු කළ බව අන්තර් විශ්වවිද්යාල ශිෂ්ය බලමණ්ඩලය පවසනවා.
