සිය නිවසේ කොටසක් කඩා බිඳ දැමීමට විරෝධය පළකරමින් අඹුසැමි යුවළක් විසින් සිරුරට ගිනි තබාගෙන සියදිවි හානිකර ගැනීමට උත්සාහ කළ පුවතක් ඉන්දියාවේ බැන්ගලෝරයෙන් වාර්තා වනවා.
අදාළ යුවළ වාසය කළ නිවස නගරයේ ජලාපවාහනය මාර්ග අවහිර වන සේ ඉදිරකර ඇති බව පවසමින් රජයේ නිලධාරී පිරිසක් බුල්ඩෝසරයක් රැගෙන පැමිණ නිවසේ කොටසක් කඩා දැමීමට සූදානම්ව තිබෙනවා.
එම අවස්ථාවේ දී අදාළ යුවළ සිරුරට පෙට්‍රල් වත්කරගෙන ගිනි තබා ගන්නට උත්සහා කර ඇති බවයි වාර්තා වුණේ.
සිරුරට පෙට්‍රල් හලාගෙන එය අවුලවා ගැනීමට ගිනිකූරක් දැල්වීමට යන අවස්ථාවේ ඔවුන් දෙදෙනාගේ සිරුරුවලට ජල ප්‍රහාරයක් එල්ල කිරීමටයි අසල සිටි පොලිස් නිලධාරීන් කටයුතු කර ඇත්තේ.
පසුව පොලිස් නිලධාරීන් සහ අවට සිටි පිරිස් එක්ව අදාළ අඹුසැමි යුවළ සිටි ස්ථානයෙන් ඉවත්කර ගැනීමට කටයුතු කර ඇති අතර, ඔවුන් දෙදෙනා පොලිස් අත්අඩංගුවට ගැනීමට කටයුතු කර තිබෙනවා.
එහිදී ඔවුන් පවසා ඇත්තේ තම නිවස අනවසර ඉදිකිරීමක් නොවන බවයි ඒ බව තහවුරු කිරීමට තමන් සතුව ලියකියවිලි ඇති බවයි .
කෙසේ වෙතත් ජලාපවාහනය මාර්ග අවහිර වන සේ ඉදිරකර තිබූ නිවසේ කොටස කඩා ඉවත් කිරීමටයි නිලධාරී කටයුතු කර ඇත්තේ.
එම සිදුවීම පහතින්..
