නාවලපිටිය – හරංගල – ඉලුක්තැන්න ප්‍රදේශයේ 13 හැවිරිදි දැරියක් අපයෝජනය කිරීමේ සිද්ධියට අදාලව තවත් සැකකරුවන් සිව් දෙනෙකු අත්අඩංගුවට ගැනීම සඳහා නාවලපිටිය පොලීසියේ ළමා හා කාන්තා කාර්යංශය විමර්ශන ආරම්භ කර තිබෙනවා.
ඔවුන් සම්බන්ධයෙන් මේ වනවිට තොරතුරු අනාවරණ වී ඇති බවයි පොලීසිය සඳහන් කළේ.
අදාළ සැකකරුවන්ගේ අනන්‍යතාවය පිළිබද සම්පූර්ණ තොරතුරු දැරිය නොදන්නා බවද ප්‍රශ්න කිරීම්වලදී අනාවරණ වී තිබෙනවා.
එමෙන්ම පොලිස් ස්ථාන පරීක්ෂණ නිලධාරීන්, අදාළ දැරිය සමග ඇයව අපයෝජනය කල බව කියන නාවලපිටිය – හරංගල – ඉලුක්තැන්න ප්‍රදේශයේ ස්ථාන පරීක්ෂාවක්ද ඊයේ සිදුකළා.
සිද්ධිය සම්බන්ධයෙන් මීට පෙර අත්අඩංගුවට ගත් අපයෝජනයට ලක්වූ දැරියගේ පියා සහ පෙම්වතා ඇතුළු සැකකරුවන් 6 දෙනා ලබන 26 වනදා තෙක් රක්ෂිත බන්ධනාගාර ගතවයි පසුවන්නේ
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
