ශ්රී ලංකා නාවික හමුදාවේ 27 වන නාවික හමුදාපති ලෙස පත් වූ වයිස් අද්මිරාල් ඩේමියන් ප්රනාන්දු සහ ශ්රී ලංකා පොලිස්පති ප්රියන්ත වීරසූරිය අතර, නිල හමුවක් අද දින (17) පොලිස් මූලස්ථානයේදී පැවැත් වුණා.
පොලිස් මූලස්ථානය වෙත පැමිණි නාවික හමුදාපති, පොලිස්පති ප්රියන්ත වීරසූරිය විසින් ඉතා උණුසුම් අයුරින් පිළිගනු ලැබූ අතර, නව නාවික හමුදාධිපති ලෙස පත්වීම සම්බන්ධයෙන් පොලිස්පතිවරයා සිය සුභාශිංසන පිරිනමනු ලැබුවා.
මෙම නිල හමුවේ දී රටේ නීතිය හා සාමය තහවුරු කිරීම, මත්ද්රව්ය උවදුර මැඩපැවැත්වීම සහ අනෙකුත් නීතිවිරෝධී ක්රියාකාරකම් වැළැක්වීම සඳහා ක්රියාත්මක කරනු ලබන මෙහෙයුම් සඳහා අවශ්යතාවය අනුව ශ්රී ලංකා පොලීසිය වෙත නාවික හමුදාවේ සහයෝගය ලබාදීම සම්බන්ධයෙන් විශේෂ අවධානයක් යොමු කෙරුණා.
නාවික හමුදාපති වයිස් අද්මිරාල් ඩේමියන් ප්රනාන්දු සිය නව ධුරයට පත්වීමෙන් අනතුරුව, ශ්රී ලංකා පොලිස්පතිවරයා අතර වූප්රථම නිල හමුව සනිටුහන් කරමින් දෙපාර්ශවය අතර සමරු තිළිණ හුවමාරු කරගැනීමක් ද සිදු වුණා.
