ඩුබායි කේන්ද්රකරගත් ප්රමුඛතම පුවත් ආයතනයක් වන ‘ගල්ෆ් නිවුස්’ විසින් 2025 වර්ෂය සඳහා දකුණු ආසියානු රටවල ධනවත්ම පුද්ගලයින්ගේ ලැයිස්තුව ප්රකාශයට පත්කර තිබෙනවා.
ඒ, අනුව ඉන්දීය සුප්රසිද්ධ ව්යාපාරික මුකේෂ් අම්බානි දකුණු ආසියාවේ ධනවත්ම පුද්ගලයා ලෙස නම්කර ඇති අතර, ඔහුගේ ඇස්තමේන්තුගත ශුද්ධ වත්කමක් ප්රමාණය ඇමරිකානු ඩොලර් බිලියන 118ක් බවයි වාර්තා වන්නේ.
බිලියනපතියෙකු වන ෂාහිඩ් ඛාන් පාකිස්ථානයේ ධනවත්ම පුද්ගලයා ලෙස නම්කර ඇති අතර, ‘ගල්ෆ් නිවුස්’ වාර්තා කරන ආකාරයට ෂාහිඩ් ඛාන්ට හිමි ශුද්ධ වත්කම් ප්රමාණය ඇමරිකානු ඩොලර් බිලියන 13.5ක්.
එමෙන්ම ඇමරිකානු ඩොලර් බිලියන 12ක ශුද්ධ වත්කම් ප්රමාණයකට හිමිකම් කියන මොසා බින් ෂම්ෂර්ට බංග්ලාදේශයේ ධනවත්ම පුද්ගලයා බවයි ‘ගල්ෆ් නිවුස්’ වාර්තා කරන්නේ.
බිනෝද් චෞද්රි ඇමරිකානු ඩොලර් බිලියන 1.6ක ශුද්ධ වත්කම් ප්රමාණයකට හිමිකම් කියන අතර, ඔහු නේපාලයේ ධනවත්ම පුද්ගලයා බවයි වාර්තා වන්නේ.
මේ අතර ඩොලර් බිලියන 1.6ක පමණ ශුද්ධ වත්කමක් ඇති ඉෂාර නානායක්කාර ශ්රී ලංකාවේ ධනවත්ම පුද්ගලයා ලෙස නම්කර තිබෙනවා.
රටවල් 10 කට අධික සංඛ්යාවක මෙහෙයුම් සහිත විවිධාංගීකරණය වූ මූල්ය සේවා සහ ආයෝජන සමූහයක් වන LOLC හෝල්ඩින්ග්ස් හි නායකත්වය දරන ඉෂාර නානායක්කාර, ගෝලීය ක්ෂුද්ර මූල්ය සහ රක්ෂණ අංශවල ශ්රී ලංකාවේ පැවැත්ම පුළුල් කිරීමේදී ප්රධාන කාර්යභාරයක් ඉටු කර තිබෙනවා.
ඒ, අනුව මේ වනවිට ව්යාපරික ධම්මික පෙරේරා අභිබවා යමින් ව්යාපාරික ඉෂාර නානායක්කාර ශ්රී ලංකාවේ ධනවත්ම පුද්ගලයා බවට ද පත්ව සිටින බවයි ‘ගල්ෆ් නිවුස්’ වාර්තා කළේ.
