spot_imgspot_img
spot_img
SLIC Banner
Empty Ad
Empty Ad

ජය ගඟට වැටී පුද්ගලයෙකු මරුට

ජය ගඟෙහි ගිලී පුද්ගලයෙකු ජීවිතක්ෂයට පත් ව තිබෙනවා.

මෙම අනතුර සිදු ව ඇත්තේ එප්පාවල, අමුණුකොළය ප්‍රදේශයේ දී යි.

මෙලෙස මියගිය පුද්ගල‍යා ජය ගඟේ ජල පාලකවරයෙකු ලෙස සේවය කර තිබෙනවා.

එප්පාවල, නල්ලමුදාව පදිංචි ඩබ්.ජී ධර්මසේන නමැති 53 හැවිරිදි අ‍යෙක් අනතුරින් ජීවිතක්ෂයට පත් ව ඇති බවයි අප වාර්තාකරු පැවසුවේ.

ඔහු කලාවැවේ සිට අනුරාධපුරයට ජලය ගලා යන ජය ගඟෙහි එප්පාවල, අමුණුකොළය වාන් දොරටු පාලනය
කිරීමට යොදවා සිටි වසර ගණනක් සේවය කළ ජල පාලකවරයෙක් බවට ද වාර්තා වනවා.

එම වාන් දොරටුවල සිර වී ඇති ලී කොට, අතු ඇතුළු අපද්‍රව්‍යය ඉවත් කිරීමට යාමේ දී ඔහු මෙලෙස දියේ ගිලී
ජීවිතක්ෂයට පත් වන්නට ඇතැයි පොලීසිය සැක පළ කරනවා.

ඔහු වාන් දොරටු උඩ සිට කොක්කක් ආධාරයෙන් වාන් දොරටුවල සිර වූ අපද්‍රව්‍යය ඉවත් කිරීම සිදු කරන බවත්, එලෙස සිදු කරමින් සිටියදී ඔහු ජය ගඟට වැටෙන්නට ඇතැයි සැක කරන බවයි පොලිසිය පැවසුවේ.

ඊයේ පස්වරුව වන විටත් ඔහු නිවසට නොපැමිණීම හේතුවෙන් නිවැසියන් ඒ පිළිබඳ ව සොයා බලා, ඔහුගේ
පුත්‍රයකු විසින් තම පියා පිළිබඳ තොරතුරක් නොමැති බවට පවසා පස්වරු 7.00 ට පමණ එප්පාවල පොලීසියට පැමිණිලි කිරීමෙන් අනතුරුව ප්‍රදේශවාසීන් හා පොලීසිය එක්ව කළ සොයා බැලීමක දී ඔහුගේ මළ සිරුර රාත්‍රී 10.00 ට පමණ ජය ගඟේ තිබී සොයා ගැනුණා.

සිද්ධිය සම්බන්ධයෙන් එප්පාවල පොලීසිය පරීක්ෂණ පවත්වනවා.

ඔබේ ප්‍රතිචාරය කුමක්ද ?
+1
0
+1
0
+1
0
+1
2
+1
3
+1
0
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?