ගම්පහ කසල ගොඩකින් ජීව අත්බෝම්බයක් සොයා ගනී

ගම්පහ පොලිස් වසමේ විජයාරාම පාරේ, කුණ්⁣ඩිවිල ඇල අසළ කසළ ගොඩක තිබී අද (17) පෙරවරුවේ ජීව අත්බෝම්බයක් සොයාගෙන තිබෙනවා.

මෙලෙස සොයාගත් අත්බෝම්බය නිශ්ක්‍රීය කිරීම සඳහා ගෝනහේන විශේෂ කාර්ය බලකා කඳවුරේ නිලධාරීන් දැනුවත් කර ඇති බවයි පොලිසිය සඳහන් කළේ.

යම් අපරාධයක් සිදුකිරීම සඳහා මෙම අත්බෝම්බය රැගෙන ආවේ ද යන්න සම්බන්ධයෙන් පරීක්ෂණ සිදුකරන බව ගම්පහ පොලිසිය වැඩිදුරටත් පැවසුවා.