පසුගියදා කළුතර, වෙට්ටුමකඩ පල්ලිය පාර ප්‍රදේශයේදී පුද්ගලයෙක්ට වෙඩි තබා ඝාතනය කිරීමේ සිද්ධිය සම්බන්ධයෙන් එම වෙඩි තැබීම සිදුකළ වෙඩික්කරු කළුතර අපරාධ කොට්ඨාසය මගින් අත්අඩංගුවට ගෙන තිබෙනවා.
මෙසේ අත්අඩංගුවට ගෙන ඇත්තේ පයාගල, මැහිමුල්ල ප්‍රදේශයේ පදිංචි වයස අවුරුදු 44 වන සම්පත් කුමාරතුංග නොහොත් ‘බෝංචියා’ යන අනුවර්ත නාමයෙන් හැඳින්වෙන පුද්ගලයෙක්.
මොහු පිළිබඳව මාලිගාවත්ත හා අවට ප්‍රදේශවල ආවේෂණ කැමරා නිරීක්ෂණයෙන් අනතුරුව ලද තොරතුරකට අනුව මාලිගාවත්ත ප්‍රදේශයේ නිවසක සැඟව සිටියදී මෙම සැකකරු කළුතර අපරාධ කොට්ඨාශයේ පොලිස් නිලධාරීන් අත් අඩංගුවට ගෙන තිබෙනවා.
මෙම සැකකරුට මීට පෙර හෙරොයින් ජාවාරම් සහ සන්තකයේ තබා ගැනීම සම්බන්ධයෙන් අවස්ථා කිහිපයකදීම චෝදනා එල්ල වී ඇති පුද්ගලයෙක් වන අතර ඔහු අද (03) කළුතර මහේස්ත්‍රාත් අධිකරණ ඉදිරිපත් කිරීමෙන් අනතුරුව ඉදිරි විමර්ශන සඳහා රැඳවූම් නියෝග ලබා ගැනීමට නියමිතයි.
