ඉන්දුනීසියාවේ ජකර්තා නුවර දී අත්අඩංගුවට ගැනුණු මෙරට සංවිධානාත්මක අපරාධ කල්ලි සාමාජිකයින් අතර සිටි බැකෝ සමන් නැමැත්තාගේ බිරිඳ සහ 03 හැවිරිදි දියණිය අපරාධ පරීක්ෂණ දෙපාර්තමේන්තුව වැඩිදුර විමර්ශන කටයුතු සඳහා භාර දී තිබෙනවා.
සජිකා ලක්ෂානි පත්තිනිගේ නැමැති 30 හැවිරිදි වියේ පසු වූ මෙම කාන්තාව ඊයේ (29) පස්වරුවේ ජකර්තා නුවර සිට ශ්රී ලන්කන් ගුවන් සේවයේ යූ.එල්.- 365 දරණ ගුවන් යානයෙන් කටුනායක ගුවන් තොටුපොළ වෙත පැමිණ තිබුණා.
එලෙස පැමිණි එම කාන්තාව සහ දියණිය අත්අඩංගුවට ගෙන නිශ්කාශන කටයුතු සිදුකර පසුව ගුවන් තොටුපොළ ආගමන විගමන දෙපාර්තමේන්තු නිලධාරීන් විසින් අපරාධ පරීක්ෂණ දෙපාර්තමේන්තු නිලධාරීන් වෙත ප්රකාශ සටහන් කරගැනීමට භාර දී තිබෙනවා.
එලෙස ප්රකාශ සටහන් කර ගැනීමෙන් අනතුරුව සැකකාර කාන්තාව සහ දියණිය ඊයේ (29) රාත්රියේ ම අපරාධ පරීක්ෂණ දෙපාර්තමේන්තුව වෙටැහැ රැගෙනවිත් ඇති බවයි වාර්තා වුණේ.
මේ අතර ඉන්දුනීසියාවේ ජකර්තා නුවර දී අත්අඩංගුවට ගැනුණු සංවිධානාත්මක අපරාධ කල්ලි සාමාජිකන් වන කෙහෙල්බද්දර පද්මේ, කමාන්ඩෝ සලින්ද ඇතුළු පස්දෙනා හෙට (31) දිනයේ මෙරටට රැගෙන ඒමට නියමිත බවට තොරතුරු වාර්තා වනවා.
