පුද්ගලයින් 181ක් සමඟ දකුණු කොරියානු ගුවන් යානයක් හදිසි ගොඩබෑමක දී අද (29) පෙරවරුවේ සිදු වූ අනතුරෙන් මියගිය සංඛ්යාව 167ක් දක්වා ඉහළ ගොස් තිබෙනවා.
මේ අතර දිවි ගලවා ගත් ගුවන් යානයේ කාර්ය මණ්ඩලය දෙදෙනෙක් සුන්බුන් අතරින් සොයාගෙන රෝහල් ගත කළ බවයි එරට ජාතික ගිනි නිවන ඒජන්සිය මීට පෙර සඳහන් කළේ.
1500කට අධික පිරිසක් මුදාගැනීමේ මෙහෙයුම්වල නිරතව අතර, විශේෂ ආපදා කලාපයක් ද මුආන් ගුවන්තොටුපොළ අවට ක්රියාත්මක කර ඇති බවයි වාර්තා වන්නේ.
බෝයිං 737-800 වර්ගයේ ගුවන් යානයක් මෙලෙස අනතුරට ලක් වූ අතර, ජෙජු එයාර් ගුවන් සමාගම විසින් මෙම යානය මෙහෙයවනු ලැබුවා.
මගීන් 175ක් සහ කාර්යමණ්ඩලයේ 06 දෙනෙකු ද සමඟ තායිලන්තයේ බැංකොක් සිට මුආන් ගුවන් තොටුපළ වෙත පැමිණෙමින් තිබිය දී යානය මෙලෙස අනතුරට ලක් වුණා.
මේ අතරගුවන් අනතුරින් විපතට පත් වූවන්ගේ පවුල්වල සාමාජිකයින් මුආන් ගුවන් තොටුපළේ රැස්ව සිටින බවයි විදෙස් මාධ්ය වාර්තා කළේ.
අනතුරට නිශ්චිත හේතුව තවමත් අනාවරණය වී නොමැති අතර,එරට ජාතික ගිනි නිවන ඒජන්සිය පවසන්නේ යානයේ එන්ජිමක කුරුල්ලන් ගැටීම මෙම අනතුරට හේතුවන්නට ඇති බවයි.
මේ අතර ගුවන් යානා පටිගත කිරීමේ යන්ත්රය කඩා වැටුණු ස්ථානයෙන් සොයා ගැනීමට හැකිව ඇති බවයි විදෙස් වාර්තා වැඩිදුරටත් සඳහන් කළේ.
