ලංකා ප්‍රිමියර් ලීග් තරගාවලියේ 05 වන අදියරේ ක්‍රීඩක වෙන්දේසිය හෙට (20) පැවැත්වීමට නියමිතව තිබෙනවා.
කොළඹ ප්‍රධාන පෙළේ හෝටලයක මෙවර වෙන්දේසිය පැවැත්වෙන බව එල්.පී.එල් තරගාවලියේ අධ්‍යක්ෂ සමන්ත දොඩංවල සඳහන් කළා.
මෙවර වෙන්දේසිය මෙහෙයවීම ද ජනප්‍රිය ඉන්දීය වෙන්ද්සිකරුවෙක් වන චාරු ශර්මා විසින් සිදුකර බවයි තරගාවලියේ අධ්‍යක්ෂ සමන්ත දොඩංවල වැඩිදුරටත් පැවසුවේ.
ඔහු අද (20) පෙරවරුවේ බැංගලෝරයේ සිට දිවයිනට පැමිණි බවයි අධ්‍යක්ෂවරයා සඳහන් කර සිටියේ.
2024 එල්.පී.එල් තරගාවලියේ ක්‍රීඩක වෙන්දේසිය හෙට (21) දහවල් 12.00ට ආරම්භ කරන අතර, එය ප්‍රමුඛතම ක්‍රීඩා රූපවාහිනී නාළිකාවක් වන ‘ස්ටාර් ස්පෝර්ට්ස්’ මඟින් සජීවීව ලොව පුරා විකාශය කිරීමට ද නියමිතයි.
මෙවර ක්‍රීඩක වෙන්දේසිය ඉතා ඉහළ තරගකාරීතාවක් ගනු ඇති බවට තමන් විශ්වාස කරන බවයි සමන්ත දොඩංවල අද (20) මාධ්‍ය වෙත අදහස් දක්වමින් සඳහන් කළේ.
