ශ්‍රී ලංකාවට විස්තීර්ණ ණය පහසුකම සැපයීම සම්බන්ධ පළමු සමාලෝචනය සඳහා ජාත්‍යන්තර මූල්‍ය අරමුදලේ විධායක කමිටුව අද (12) දිනයේ රැස්වීමට නියමිතව තිබෙනවා.
කාර්ය සාධන නිර්ණායක පිළිපැඳීමෙන් නිදහස් වීම සහ වෙනස් කිරීම, මූල්‍ය සහතික සමාලෝචනය සහ නැවත සකස් කිරීම මෙන්ම ප්‍රවේශය පිළිබඳ සලකා බැලීමට නියමිත බවයි වාර්තා වුණේ.
ඒ, අනුව අද රැස්වන විධායක කමිටුව මඟින් ශ්‍රී ලංකාවට ලබාදෙන ඇමරිකානු ඩොලර් මිලියන 330ක දෙවන ණය වාරිකය මුදාහැරීම පිළිබඳ තීරණයකට එළඹීමට නියමිතයි.
ජාත්‍යන්තර මූල්‍ය අරමුදල විසින් ශ්‍රී ලංකාව ඩොලර් බිලියන 2.9ක ණය ආධාරයක් ලබාදීමට තීරණය කළ අතර, එහි පළමු වාරිකය ලෙස ඇමරිකානු ඩොලර් මිලියන 330ක ණය මුදලක් මීට පෙර හිමි වුණා.
මේ අතර වෙරිටේ රිසර්ච් ආයතනය පෙන්වා දෙන්නේ, ජාත්‍යන්තර මූල්‍ය අරමුදල සමඟ ඇතිකරගත් ගිවිසුම් ඉලක්ක සපුරා ගැනීම සම්බන්ධයෙන් ශ්‍රී ලංකාව මේ වනවිට අත් කරගෙන ඇති ප්‍රගතියේ විනිවිධ භාවය ඉහළ ගොස් ඇති බවයි.
