ඇමරිකානු නව ජනාධිපති ඩොනල්ඩ් ට්‍රම්ප් විසින් එරට ෆෙඩරල් විමර්ශන කාර්යාංශයේ (FBI) අධ්‍යක්ෂවරයා ලෙස ඉන්දියානු සම්භවයක් ඇති කාෂ් පටෙල් නම්කර තිබෙනවා.
ට්‍රම්ප්ගේ පක්ෂපාතියෙකු වන කාෂ් පටෙල්, ට්‍රම්ප්ගේ පළමු ධූර කාලය තුළ ජාතික බුද්ධි අධ්‍යක්ෂ සහ ආරක්ෂක ලේකම් යන දෙදෙනාටම උපදෙස් ලබා දී ඇති බව සඳහන්.
1980 පෙබරවාරි 25 වන දින නිව් යෝර්ක් හි ඉන්දියානු දෙමාපියන්ට දාව උපත ලැබූ කාෂ් පටෙල් රිච්මන්ඩ් විශ්ව විද්‍යාලයෙන් උපාධිය ලබා පසුව පේස් විශ්ව විද්‍යාලයේ නීතිය හදාරා නීතිඥයෙකු ලෙස කටයුතු කර ඇති බවයි වාර්තා වන්නේ.
ට්‍රම්ප් සෙනසුරාදා සමාජ මාධ්‍යවල සටහනකින් කියා ඇත්තේ, පටෙල් “දක්ෂ නීතීඥයෙක්, විමර්ශකයෙක් සහ ‘ඇමරිකා පළමු’ සටන්කරුවෙකු වන අතර ඔහු දූෂණය හෙළිදරව් කිරීම, යුක්තිය ආරක්ෂා කිරීම සහ ඇමරිකානු ජනතාව ආරක්ෂා කිරීම සඳහා සිය වෘත්තීය ජීවිතය ගත කළ බවයි.
ඔබේ ප්‍රතිචාරය කුමක්ද ?
+1
2
+1
1
+1
+1
+1
+1
1
+1
