කටුනායක ගුවන්තොටුපලේ දී ගුවන් යානයක් අනතුරකට ලක්වෙයි (ඡායාරූප)

කටුනායක ගුවන්තොටුපලේ දී ඊයේ (04) රාත්‍රියේ තුර්කි ගුවන් සේවයට අයත් ගුවන් යානයක් අනතුරට ලක්ව තිබෙනවා.

එයාර් බස් 330 වර්ගයේ භාණ්ඩ ප්‍රවාහන ගුවන් යානයක් මෙලෙස අනතුරට ලක්ව ඇති බවයි තොරතුරු වාර්තා වුණේ.

ඉස්ථාන්බුල් නුවර බලා පිටත්ව යාමට සූදානම්ව තිබූ මෙම ගුවන් යානයට පැටවීම සඳහා රැගෙනවිත් තිබූ බහාලුමක් ගුවන් යානයේ අංක 02 එන්ජිමේ ගැටීමෙන් මෙම අනතුර සිදුව තිබෙනවා.

කෙසේ වෙතත් මෙම අනතුර සිදු ආකාරය සම්බන්ධයෙන් විමර්ශනයක් මේ වනවිට ආරම්භ කර ඇති බව සඳහන්.

අනතුරට පත් භාණ්ඩ ප්‍රවාහන ගුවන් යානය තවදුරටත් කටුනායක ගුවන් තොටුපලේ රඳවා ඇති බවයි වාර්තා වුණේ.