දෙවන ටෙස්ට් තරගය ජය ගන්නට ශ්‍රී ලංකාවට පහසු ඉලක්කයක්

බංග්ලාදේශ කණ්ඩායම සහ ශ්‍රී ලංකාව අතර පැවැත්වෙන දෙවන ටෙස්ට් තරගය ජය ගැනීමට ශ්‍රී ලංකා පිළට ලකුණු 29ක ඉලක්කයක් හිමිව තිබෙනවා.

තරගයේ දෙවන ඉනිම ක්‍රීඩා කළ බංග්ලාදේශ කණ්ඩායම ලකුණු 169කට සීමා කරන්නට ශ්‍රී ලංකා පන්දු යවන්නන්ට අද හැකියාව ලැබුණා.

එහිදී ලින්ටන් දාස් සහ ෂකීබ් අල් හසන් අර්ධ ශතක රැස්කිරීමට සමත් වූ අතර අනෙක් කිසිඳු පිතිකරුවෙකුට ලකුණු 25 සීමාව පසු කරන්නට ශ්‍රී ලංකා පන්දු යවන්නන් ඉඩ ලබාදුන්නේ නැහැ.

පන්දු යැවීමේ දී අසිත ප්‍රනාන්දු බංග්ලාදේශ දෙවන ඉනිමේ කඩුලු 06ක් බිඳ දැමුවා.

ඩකා හිදී ආරම්භ වූ මෙම තරගයේ පළමුව පන්දුවට පහර දුන් බංග්ලාදේශ ක්‍රීඩකයින් සිය පළමු ඉනිමට සියල්ලන් දැවී ලකුණු 365ක් රැස් කළා.

බංග්ලාදේශ පළමු ඉනිම සඳහා මුෂ්ෆිකර් රහීම් සහ ලින්ටන් දාස් ශතක රැස්කරමින් කඩා වැටී තිබූ ඉනිම ශක්තිමත් කළා.

පන්දු යැවීමේදී කසුන් රාජිත සහ අසිත ප්‍රනාන්දු පිළිවෙලින් බංග්ලාදේශ පළමු ඉනිමේ කඩුලු 05ක් සහ 04ක් බිඳ දැමීමට සමත් වුණා.

ශ්‍රී ලංකා පළමු ඉනිමේ ලකුණු පුවරුව ලකුණු 506ක් ලෙස සටහන් වූ අතර එහිදී ඇන්ජලෝ මැතිව්ස් සහ දිනේෂ් චන්දිමාල් ශතක රැස් කළා.

ශ්‍රී ලංකා පළමු ඉනිමට වඩා ලකුණු 141ක් පසුපසින් සිටිමින් සිය දෙවන ඉනිම ආරම්භ කළ බංග්ලාදේශ පිතිකරුවන් සියල්ල ලකුණු 169කට සීමා වුණා.

ඒ අනුව දෙරට අතර පැවැත්වෙන දෙවන ටෙස්ට් තරගයේ ජයග්‍රහණය සඳහා ශ්‍රී ලංකා ක්‍රීඩකයින්ට ලකුණු 29ක ඉලක්කයක් හිමව තිබෙනවා.

තරගයේ අවසන් දිනය අදයි.