පාස්කු ප්රහාරයට යුක්තිය ඉටු නොවීමට විරෝධය පළකරමින් අද දිනයේදී මීගමුව නගර මධ්යයේ ජනතා විරෝධතාවයක් සංවිධානය කර තිබුණා. මෙම විරෝධතාවය සඳහා අති උතුම් මැල්කම් රංජිත් කාදිනල් හිමිපාණන් ඇතුළු කතෝලික පුජක තුමන්ලා, කන්යා සොහොයුරියන් සහ මහජනතාව විශාල පිරිසක් එක්ව සිටියා.
මෙහිදී රැස්ව සිටි පිරිස් අමතමින් කාදිනල් හිමිපාණන් ප්රකාශ කර සිටියේ බලය ගත්තට එය ආරක්ෂා කර ගැනීමට නොහැකි වී ඇති බවත්, ඔවුන්ට දෙවියන් වහන්සේගේ සාපය වැදී ඇති බවයි.
මෙහිදී වැඩිදුරටත් අදහස් දැක්වූ කාදිනල් හිමිපාණන්,
ශ්රී ලංකාවේ ඉතාමත් විනාශකාරී වූ ලේ වැගිරීම අපට අමතක කරන්න බැහැ. අද බලයේ සිටින රජය එදා ජන්දයට ඉදිරිපත් වෙද්දී එදා මේ සිද්ධිය එයාලා පාවිච්චි කළා. අපිට තේරුණා එදාම මේ මහා විනාශය පිටුපස්සේ කුමන්ත්රණයක් තියෙන්න පුළුවන් කියලා. දැන් අපිට එළිදරව් වී ගෙන යනවා ඒ කුමන්ත්රණකාරයෝ කවුද කියලා. ඒ කුමන්ත්රණකාරයින්ට බලය අල්ල ගන්න පුළුවන්, නුමුත් බලය ආරක්ෂා කර ගන්න බැහැ. දෙවියන්වහන්සේ ගේ සාපය ඔවුන්ට වැදිලා තියෙනවා. බලය අල්ල ගත්තට වැඩක් නැහැ. බලය හරියට පාවිච්චි කරන්න ඒ අය දන්නේ නැහැ.
ජනාධිපති කොමිසමෙන් දුන්නු තීන්දු තීරණ ක්රියාත්මක කරන්න කියලා, නුමුත් අද වෙනතුරු ඒ දුන්නු තීන්දු තීරණ වලින් වැඩි හරියක් ක්රියාත්මක නොකර මුස්ලිම් මිනිස්සුන්ට විතරක් මේකේ වරද පටවලා ඒකේ පිටිපස්සේ හිටිය අනිත් බලවේග සියල්ලම හංගන්නට පටන් ගෙන තියෙනවා. ඒ නිසා ඒකට වැදුණු සාපයක් තමයි අද මේ උදාවෙලා තියෙන්නේ.
නීතිපතිතුමා මේ ක්රමවේදයේ වහලෙක් බවට පත්වෙලා ඉවරයි. ඒ නිසා මේ රටේ නීතියක් කියල එකක් නැහැ. හරියට යුක්තියක් ඉෂ්ඨ කර ගන්න අපේ මිනිස්සුන්ට ඉඩකඩක් නැහැ.”