ශී්ර ලංකා මහ බැංකුවේ නව අධිපතිවරයා වශයෙන් ආචාර්ය නන්දලාල් පී. වීරසිංහ හෙට දින වැඩ භාර ගැනීමට නියමිතව ඇති බව වාර්තා වනවා.
ඔහු ශී්ර ලංකා මහ බැංකුවේ හිටපු ජ්යෙෂ්ඨ නියෝජ්ය අධිපතිවරයා ලෙස සේවය කරනු ලැබූ අතර, අජිත් නිවාඩ් කබ්රාල් මහ බැංකු අධිපති ධුරයෙන් ඉවත් වීමෙන් පසු ආචාර්ය නන්දලාල් වීරසිංහට මහ බැංකු අධිපති ධුරය භාර ගන්නා ලෙස රජයෙන් ඉල්ලීමක් ඉදිරිපත් කෙරුණා.
එම ආරාධනය භාර ගැනීමට හිටපු මහ බැංකු නියෝජ්ය අධිපතිවරයා තීරණය කර ඇති අතර මේ අනුව ඔහු අද දින ශී්ර ලංකාවට පැමිණීමට නියමිතයි.
ශී්ර ලංකාවට පැමිණීමෙන් පසු ජනාධිපතිවරයාගෙන් මහ බැංකු අධිපතිවරයා ලෙස පත්වීමේ ලිපිය ලබාගෙන හෙට දින මහ බැංකු අධිපතිවරයා ලෙස ඔහු වැඩ භාර ගැනීමට නියමිතව ඇත.
ආචාර්ය නන්දලාල් පී. වීරසිංහ ජාත්යන්තර මූල්ය අරමුදලේ විකල්ප විධායක අධ්යක්ෂවරයකු ලෙස ද කටයුතු කර ඇත. ශී්ර ලංකා මහ බැංකුවේ ආර්ථික පර්යේෂණ අධ්යක්ෂ ධුරය, සහකාර අධිපති ධුරය සහ ජ්යෙෂ්ඨ නියෝජ්ය අධිපති ධුරය ඇතුළු ශී්ර ලංකා මහ බැංකුවේ වැදගත් තනතුරු රැසක් හොබවා ඇති ආචාර්ය වීරසිංහ මහතා අත්දැකීම් බහුල ජ්යෙෂ්ඨතම මහ බැංකු නිලධාරියෙක් ද වනවා.