වර්ෂා කාලය උදාවන තුරු විදුලිය කෙටි කාලයකට විසන්ධි කිරීමට සිදුවනු ඇතැයි විදුලිබල වැඩබලන අමාත්ය දුමින්ද දිසානායක පාර්ලිමේන්තුවේදී අද ප්රකාශ කර සිටියා.
ඔහු මෙසේ පැවසුවේ විපක්ෂ නායක සජිත් ප්රේමදාස මහතා ස්ථාවර නියෝග 27 (2) යටතේ මතු කළ ප්රශ්නයකට පිළිතුරු දෙමින්.
විදුලිය විසන්ධි කරන සැලැස්ම සහ විදුලිය කපා හරින ප්රදේශ පිළිබඳ සැලැස්ම අනුමැතිය සඳහා මහජන උපයෝගිතා කොමිසමට ඉදිරිපත් කර ඇතැයිද වැඩබලන අමාත්යවරයා සඳහන් කළේ.
කෙසේ වෙතත් ආයෝජන මණ්ඩලය යටතේ එන කර්මාන්ත කලාප සඳහා අඛණ්ඩ විදුලි සැපයුමක් ලබාදීමට විදුලිබල මණ්ඩලය පියවර ගෙන ඇතැයි සඳහන් කළ දිසානායක මහතා පෞද්ගලික විදුලි ජනන යන්ත්ර හිමි කර්මාන්තකරුවන්ට විදුලිය විසන්ධි වන කාලයේදි විදුලිය ඒකකයක් වෙනුවෙන් රුපියල් 36 ක මුදලක් ගෙවීමට වැඩපිළිවෙළක් සැලසුම් කර ඇතැයිද ප්රකාශ කළේ.
ඒ වැඩපිළිවෙළ සඳහා කර්මාන්තකරුවන් ඒකරාශී කර ගැනීමට විදුලිබල මණ්ඩලය කටයුතු කරගෙන යන බව වැඩබලන අමාත්යවරයා වැඩිදුරටත් පැවසුවේ.