රටට කඩිනමින් වෙනසක් අවශ්ය බවත් , ඒ වෙනස ඇති කරන්නේ සජිත් ප්රේමදාස මහතා බව බදුල්ල දිස්ත්රික් සමගි ජන බලවේගයේ පා.ම වඩිවේල් සුරේෂ් මහතා පැවසිය.
(18) දින හැටන් නගරයේදි විශේෂ මාධ්ය හමුවක් පවත්වමින් වඩිවේල් සුරේෂ් මහතා ඒ බැව් පැවසිය.
මෙම මාධ්ය හමුවේදි වැඩි දුරටත් අදහස් දැක් වු වඩිවේල් සුරේෂ් මහතා කියා සිටියේ
ලංකානු ඉතිහාසයේ කවදාවත් නැති ආකාරයට අද වතු කම්කරුවන් තලලා පොඩි කරලා විසි කරලා තියෙනවා.මේක අපිට තවදුරටත් ඉවසන්න බැ.
රු දහසේ නාඩගම , රු දහසක් දෙනවා කියලා මෝඩ විදිහට ගැසට් එකක් දැම්මා , පැයකට පස්සේ වතු හාම්පුත්තු නඩුවක් දැම්මා.
එතකොට තිබුණ ජිවන වියදම නෙවෙයි දැන් තියෙන්නේ, දැන් රු දහසකින් ජිවත් වෙන්න බැ, දැන් හරිනම් රු 2000-3000 දෙන්න ඕනි.
මේක ප්රයෝජනයට අරන් වතු සමාගම් වතු කම්කරුවන් තලලා පොඩි කරලා වැඩ ගන්නවා , රසායනික පොහොර මුකුත් නැතුව තේ දළු කිලෝ 20 ක් කඩන්න කියනවා , වතු කම්කරුවන් රොබෝලද?
කෝ එකම රටක් එකම නිතියක් , කොහොමද ඒ මිනිස්සු ජිවත් වෙන්නේ?
ඊට අඩුවෙන් කැඩුවොත් පඩි භාගයයි , රු 500 යි , හැම තැනකම ඕක සිදු කරලා තියෙනවා.
එකම රටක් එකම නිතියක් නම් කම්කරු නිතිය ක්රියාත්මක කරන්න , මේ ජනතාව රටට අදාරය කරන පිරිසක් , මේ ජනතාව ත්රස්තවාදය ක්රියාත්මක වෙනකොට ආයුධ ගත්තේ නැ අතට , ඊලාම් ඉල්ලුවේ නැ , සිලොන් තේ සදහා විශාල දයකත්වයක් දක්වපු පිරිසක්.
රාජ්ය සේවකයන්ට රු පන්දහසක් දෙනවා , වතු කම්කරුවන්ට තිරිගු පිටි ලබා දෙනවා , මේක මාර නිතියක්නේ.
වතු කම්කරුවන්ටත් රු පන්දහසක් දෙන්න පුළුවන්නේ, ලියාපදිංචි කරපු වතු කම්කරුවන්ට විතරක්ලු තිරිගු පිටි ලබාදෙන්නේ.
කම්කරු කාර්යාලය වලට ගිහින් පරික්ෂා කරලා බලන්න අපි කියන්නේ බොරුද කියලා , පඩි කපලා , මේක මානව අයිතිවාසිකම් උල්ලංඝනය කිරිමක්.
රජයට යුතුකමක් තියෙනවා වතු කම්කරුවන්ගේ අයිතින් සුරකින්න , වතු කම්කරුවන් පිලිබදව බලන්න.
අයවැයේදි මොකක්ද කිව්වේ හරියට ක්රියාත්මක වෙන්නේ නැති වතු රජයට පවරාගන්නවා කියලා.
ආණ්ඩුව වතු ටික පවරාගෙන , කැබලි කරලා ජනතාවට දෙන්න කුඩා තේ වතු හිමියන් විදිහට. අන්න ඒ විදිහට තමයි සජිත් ප්රේමදාස මහතා වැඩ කරන්න ඉන්නේ.
වතුකරයේ ලක්ෂ 15 ක් පමණ වන ජන්දයෙන් එක ජන්දයක් පිටතට යන්න නොදි සජිත් ප්රේමදාස මහතා අපි ජනාධිපති කරවනවා.
රටට වෙනසක් ඕනි ඒ වෙනස ගෙන්නේ සජිත් ප්රේමදාස මහතා එ වෙනුවෙන් අපි ඇප කැප වෙලා වැඩ කරනවා.
මාධ්යවේදියෙකුගේ නිවසකට පහර දිම අපි දැඩි ලෙස හෙලා දකිනවා , ඒ වගේ වැඩි සිදු වෙන් හොද නැ , ජාතික සමගි ජනබලවේගය හැටියට අපි මාධ්යවේදින්ට ගරු කරනවා, තවමත් සැකකරුවන් අත්අඩංගුවට ගෙන නැ .
එක්සත් ජාතික පක්ෂය කියලා පක්ෂයක් තියෙනවද? , අපි සමගි ජන බලවේගයේ , සජිත් ප්රේමදාස තමයි නායකයා එතුමා එක්ක තමයි ඉදිරියට යන්නේ.
හෙට ජන්දයක් තියන්න බලන්න සිංහල දෙමල මුස්ලිම් සියළුම ජනතාව සුදානම්. අපි ආණ්ඩුවෙන් ඉල්ලිමක් කරනවා ඕනැම ජන්දයක් තියන්න කියලා.
ජනතාවගේ අයිතිවාසිකම් වෙනුවෙන් අපි කටයුතු කරනවා , ඒ වගේම ඕනැම ජන්දයකට අපි සුදානම්.
මෙම මාධ්ය හමුවට ලංකා ජාතික වතු කම්කරු සංගමයේ උප සභාපති සහ කැගල්ල දිස්ත්රික් පා.ම සුජිත් සංජය පෙරේරා මහතාද සහභාගි විය.
