මත්කුඩු ජාවාරම්කරුවෙකුගෙන් මේ දක්වා සොයාගත් වැඩිම වටිනාකමකින් යුත් දේපළ හමුව ඇත්තේ දෙමටගොඩ රුවන් සතුව තිබී බව වාර්තා වනවා.
අපරාධ පරීක්ෂණ දෙපාර්තමේන්තුවේ නීති විරෝධී වත්කම් විමර්ශන කොට්ඨාසය ආනාවරණ කරගෙන ඇත.
ඔහු සතුව තිබී මේ වනවිට අනාවරණ කරගෙන ඇති දේපළවල වටිනාකම රුපියල් කෝටි 79ක්. අපරාධ පරීක්ෂණ දෙපාර්තමේන්තුවේ නීති විරෝධී වත්කම් විමර්ශන කොට්ඨාසය විසින් අනාවරණ කරගෙන ඇත්තේ 2011 වසරේදී ගංජා ජාවාරමින් සැකකරු විසින් නීති විරෝධී ව්යාපාර ආරම්භ කර ඇති බවයි.
අනතුරුව දෙමටගොඩ රුවන් නමැති මෙම සැකකරු 2017 වසරේ සිට මහපරිමාණ මත්කුඩු ගෙන්වීම ආරම්භ කර ඇති බවද අනාවරණය වී ඇත.
එම සියලුම දේපල නීති විරෝධී වත්කම් විමර්ශන කොට්ඨාසය විසින් රාජසන්තක කර ඇත. ඒ අතර අධි සුඛෝපභෝගී මෝටර් රථ 09ක් ද වෙයි.
පොලිසිය අනාවරණකරගෙන ඇත්තේ දෙමටගොඩ රුවන් මිලදී ගෙන ඇති සියලුම මෝටර් රථ එම කාලය වන විට අදාළ සමාගම් විසින් නිෂ්පාදනය කළ නවතම මෝටර් රථ බවය. එම මෝටර් රථවල වටිනාකම පමණක් කෝටි 09ට ආසන්න වෙයි.
එමෙන්ම රුපියල් කෝටි 16ක් පමණ වටිනා ඉඩම් තුනක් රුපියල් කෝටි 02ක් පමණ වටින රත්රං කිලෝ එකමාරක් ද පොලිසිය විසින් සොයාගෙන තිබේ.
එමෙන්ම දෙමටගොඩ රුවන්ට හිමි රුපියල් කෝටි 09කට ආසන්න ස්ථාවර තැම්පතු කිහිපයක්ද නීතිවිරෝධි වත්කම් විමර්ශන කොට්ඨාසය විසින් තහනම්කර ඇත.
ඔහුට අයත් තවත් සංචාරක හෝටල් කිහිපයක් පිළිබඳවද පොලිසිය විසින් මේ වන විට විමර්ශනයක් ආරම්භ කර ඇති බව සඳහන් වෙයි.
මේ අතර වැඩිදුර තොරතුරු වාර්තා වන්නේ දෙමටගොඩ රුවන්ගේ දේපල සම්බන්ධයෙන් අපරාධ පරීක්ෂණ දෙපාර්තමේන්තුවේ නීති විරෝධී වත්කම් විමර්ශන කොට්ඨාසයේ නිලධාරීන් විසින් සිදුකරනු ලබන විමර්ශන නවත්වන ලෙස ඉල්ලා ඔහු විසින් එම නිලධාරීන්ට රුපියල් කෝටි 05ක මුදලක් ලබාදීමට උත්සාහ දරා ඇති අතර එම නිලධාරීන් එය ප්රතික්ශේප කර ඇති බවයි.
මීට පෙර මත්ද්රව්ය ජාවාරම්කරුවෙකුගෙන් සෙයාගත් වැඩිම වටිනාකමකින් යුත්දේපල සොයාගෙන ඇත්තේ වෙලේ සුදාගෙන් වන අතර එහි වටිනාකම රුපියල් කෝටි 18කි.
ඒ අනුව මත්කුඩු ජාවාරම්කරුවෙකුගෙන් මෙතෙක් සොයාගත් වැඩිම වටිනාකමක් සහිත දේපළ ඇත්තේ දෙමටගොඩ රුවන් සතුවයි.
