වායූ සමීකරණ යන්ත්රවලටත් වඩා ගොඩනැගිලි අභ්යන්තරයේ ඇති උෂ්ණත්වය අඩු කළ හැකි සුදෝ සුදු (Ultra – White) තීන්ත විශේෂයක් ඇමරිකාවේ ඉන්දියානාහි පිහිටි පර්ඩියූ විශ්වවිද්යාලය විසින් හඳුන්වා දී ඇත.
ලෝක බලශක්ති අර්බුදයට මෙන්ම ගෝලීය උෂ්ණත්වය ඉහළ යාමටද කදිම විසඳුමක් ලෙස හඳුන්වන මෙම නව තීන්ත වර්ගය මගින් සූර්යාලෝකය 98.1% ක්ම පරාවර්තනය කරනු ලබන බව කියයි.
සාමාන්යයෙන් වෙළඳපොළේ ඇති සුදු තීන්ත මගින් සූර්ය තාපය උරාගැනීමක් සිදු වුවද, මෙම නව තීන්ත වර්ගය මගින් සූර්ය තාපය පරාවර්තනය කරන බව මෙම තීන්ත නිර්මාණය කළ ඉන්ජිනේරුවන් කියයි.
මෙම තීන්ත වර්ග අඩි 1,000ක නිවසක වහළය මත ආලේප කළහොත් කිලෝවොට් 10ක පමණ බලශක්ති ප්රමාණයක් භාවිතා කරමින් සිදුකරන සිසිලන ක්රියාවලිකට සමාන ප්රතිඵලයක් ඇති වන බවත් එය දැනට භාවිතා වන වායූ සමීකරණ යන්ත්රවලට වඩා ඉතා වැඩි කාර්යක්ෂමතාවයකින් යුක්ත බවත් කියයි.
මෙම තීන්ත වර්ගය, ගැලුමක් රුපියල් 6,000 ත් 8,000 ත් වැනි මිලකට තව වසරක් දෙකක් වැනි කාලයකදී ශ්රී ලංකිකයන්ට ද මිලදී ගත හැකි වනු ඇත.
පර්ඩියූ විශ්ව විද්යාලයේ පර්යේෂකයින් විසින් සකස් කරන ලද සුදු විකිරණ සිසිලන තීන්ත (වමේ, දම් පැහැයෙන්) වානිජමය සුදු තීන්ත සමඟ සසඳන විට හිරු එළියේ සිසිල්ව පැවතිය හැකි බව අධෝරක්ත කිරණ කැමරා රූපයක දැක්වේ
wpDiscuz
