හැටන්, රුවන්පුර ප්රදේශයේ ඉඩම් ප්රතිසංස්කරණ කොමිෂන් සභාවට අයත් ඉඩම්වලින් ඉඩම් ලබා දෙන බව පවසමින් මුදල් ලබා ගත් ලංකා කම්කරු කොන්ග්රසය නියෝජනය කරමින් හැටන් – දික්ඔය නගර සභාවට තේරී පත් වූ නාගරික මන්ත්රී සුන්දරරාජ් ප්රභාකරන්ව ඊයේ (24) දින රාත්රියේ හැටන් පොලිසිය විසින් අත්අඩංගුවට ගෙන තිබුණා.
සැකකරු ඉඩම් ප්රතිසංස්කරණ කොමිෂන් සභාවේ නිළධාරියෙකු සමග එක්ව හැටන්, රුවන්පුර ප්රදේශයේ පදිංචිකරුවන් කිහිපදෙනෙකුගෙන් රු.හය ලක්ෂ තිස් පන්දහසේ සිට රු.ලක්ෂ 10 දක්වා ගිණුමට මුදල් බැර ගෙන එම ඉඩම් ලබා නොදිම සම්බන්ධයෙන් මුදල් ලබා දුන් අයෙකු විසින් හැටන් පොලිසිය වෙත කරන ලද පැමිණිල්ලක් මත සැකකරුව අත්අඩංගුවට ගෙන තිබෙනවා.
එම සැකකරුට මුදල් ලබා දුන් තවත් පාර්ශවයකින්ද පොලිසිය වෙත පැමිණිලි ඉදිරිපත් වී තිබුණා.
සැකකරුගේ බැංකු වාර්ථා පස්සේ මේ වන විට විමර්ශන සිදු කෙරෙන අතර, සිද්ධියට සම්බන්ධ ඉඩම් ප්රතිසංස්කරණ කොමිෂන් සභාවේ නිළධාරියා ද අත්අඩංගුවට ගැනීමට නියමිත බව පොලිසිය සඳහන් කළා.
අත්අඩංගුවට ගත් සැකකරු හැටන් මහේස්ත්රාත් අධිකරණය වෙත ඉදිරිපත් කිරිමට නියමිතයි.
