මහර බන්ධනාගාර තුළ ඇති වූ නොසන්සුන්තාව මේ වනවිට පාලනය කර ඇති බවත්, මේ වනවිට එහි තත්ත්වය සන්සුන් බවත් බස්නාහිර පළාත් භාර ජ්යෙෂ්ඨ නියෝජ්ය පොලිස්පති සජීව මැදවත්ත පවසනවා.
අද (20) පෙරවරුවේ මාධ්ය වෙත අදහස් දක්වමින් ජ්යෙෂ්ඨ නියෝජ්ය පොලිස්පතිවරයා සඳහන් කළේ බන්ධනාගාරයේ සියලුම රැඳවියන් ආරක්ෂිතව ඔවුන්ගේ වාට්ටුවලට මේ වනවිට යොමුකර ඇති බවයි.
ඊයේ (01) පස්වරුවේ මෙම නොසන්සුන්තාව හටගන්නා අවස්ථාවේ දී මහර බන්ධනාගාර තුළ රැඳවියන් 4,100 වැඩි සංඛ්යාවක් රදවා සිටි බවයි ඔහු වැඩිදුරටත් සඳහන් කළේ.
ඇති වූ තත්ත්වය මත රැඳවියන් බන්ධනාගාරයේ දේපළවලට දැඩි අලාභ හානි සිදුකර ඇති බවත් ජ්යෙෂ්ඨ නියෝජ්ය පොලිස්පතිවරයා වැඩිදුරටත් අදහස් දක්වමින් සඳහන් කළා.
ඉදිරි පැය කිහිපය තුළ බන්ධන්ගාරයේ ආරක්ෂාව තහවුරු කිරීමේ අනතුරුව මහර බන්ධනාගාරයේ කටයුතු සාමාන්ය තත්ත්වයට පත් කිරීමට කටයුතු කරන බවයි ඔහු පැවසුවේ.
“මෙම බන්ධනාගාරය ඇතුළේ රැඳවියන් 4100 වැඩි ප්රමාණයක් හිටියා.
හවස හතරට විතර පටන් ගත්තු නොසන්සුන්තාවය
අද පාන්දර පහ, හය වෙනකන් තිබ්බා. මේගොල්ලෝ බන්ධනගාරයේ
ගොඩාක් දේපළවලට හානිකරලා තියෙනවා. මීගමුවේ සිද්ධියේ අත්දැකීම් එක්ක
දැඩි සිද්ධියක් ඇති නොවී ආරක්ෂක අංශ සියලුදෙනා එකතු වෙලා මේ තත්ත්වය
මැඩපවත්වලා තියෙනවා. සියලුම රැඳවියන් ආරක්ෂිතව ඔවුන්ගේ වාට්ටුවලට යොමුකරලා
ආහාර, ජලය ඇතුළු මූලික පහසුකම් ලබාදෙනවා. දැනට තත්ත්වය සන්සුන්.”
