මීගමුව ඔබ්බෙන් මුහුදු ප්රදේශයේදී ධීවර යාත්රා කිහිපයක් අනතුරට ලක්ව ඇති බවට තොරතුරු වාර්තා වනවා.
ඊයේ (31) පස්වරුවේ ධීවර කටයුතු සඳහා පිටත්ව ගිය යාත්රාවක් පළමුව අනතුරට ලක්ව ඇති බව මුලින්ම අනාවරණය වී තිබෙනවා.
ඒ, අනුව එම යාත්රාවේ සිටි පිරිස මුදවාගැනීමට නාවික හමුදාව විශේෂ මෙහයුමක් ආරම්භ කර ඇති අතර, එහිදී මියගිය පුද්ගලයෙකුගේ මළ සිරුරක් සොයා ගැනීමට හැකි වූ බවයි නාවික හමුදාව පැවසුවේ.
එම යාත්රාවේ සිටි තවත් තිදෙනෙක් අතුරුදන්ව ඇති බව නාවික හමුදාව වැඩිදුරටත් සඳහන් කළා.
මෙම සිදුවීමෙන් පසු සිදුකළ සෝදිසි මෙහෙයුමක දී ධීවර කටයුතු සඳහා පිටත්ව ගිය තවත් ධීවර යාත්රා 03ක් ද අතුරුදන්ව ඇති බවට අනාවරණය වී තිබෙනවා.
එම යාත්රා සොයා විශේෂ මෙහයුමක් නාවික හමුදාව අරඹා ඇති අතර, ඊට සහායට ගුවන් හමුදාවට අයත් බෙල් 412 වර්ගයේ හෙලිකොප්ටර් යානයක් ද යොදවා ඇති බවයි වාර්තා වුණේ.
