ශ්රී ලංකා බොක්සිං සංගමය සංවිධානය කරන 2026 වයස අවුරුදු 19න් පහළ පිරිමි හා කාන්තා බොක්සිං ශූරතා තරගාවලිය පෙරේදා (14) දිනයේ දී ආරම්භ වුණා.
මෙම තාරගාවලිය ලබන 18 වන දින දක්වා දියගම ශ්රී ලංකා බොක්සිං ක්රීඩගරයේ (Sri Lanka Boxing Gymnasium) දී පැවැත්වෙනවා.
මෙම තරගාවලිය පැවැත්වෙන්නේ ඉදිරියේදී ලෝක බොක්සිං සංවිධානය විසින් සංවිධානය කරනු ලබන ජාත්යන්තර Under 19 තරගාවලි සඳහා ක්රීඩක ක්රීඩිකාවන් තෝරාගැනීමේ මූලික තේරීම් තරගාවලියක් ලෙසයි.
තරගාවලිය සඳහා ආධුනික ඕනෑම බොක්සිං ක්රීඩකයකුට හෝ ක්රීඩිකාවකට සහභාගි විය හැකි අතර, දිවයිනේ ප්රධාන පෙළේ බොක්සිං ක්රීඩා කරන පාසල් 50කට අධික සංඛ්යාවකින් ක්රීඩක ක්රීඩිකාවන් 150කට ආසන්න පිරිසක් තරග බිමට එක්වීමට නියමිතයි.
මේ අතර, 2026 Intermediate Boxing Tournament ජූලි 15 සිට 19 දක්වා එම ස්ථානයේදීම පැවැත්වෙන අතර, එයද ආධුනික බොක්සිං ක්රීඩක ක්රීඩිකාවන් සඳහා විවෘත තරගාවලියක්.
මෙම තරගාවලිය සඳහා ත්රිවිධ හමුදාව, ශ්රී ලංකා පොලිසිය, විශ්වවිද්යාල සහ දිවයිනේ ප්රමුඛ පෙළේ ක්රීඩා සමාජ රැසක් නියෝජනය කරමින් ක්රීඩක ක්රීඩිකාවන් 200කට ආසන්න සංඛ්යාවක් සහභාගි වීමට නියමිතයි.
ජූලි 19 වනදා දක්වා පැවැත්වෙන මෙම තරගාවලි දෙකම ශ්රී ලංකාවේ ආධුනික බොක්සිං ක්රීඩාවේ දක්ෂතා හඳුනාගෙන ජාත්යන්තර මට්ටමට ක්රීඩක ක්රීඩිකාවන් යොමු කිරීමේ වැදගත් පියවරක් ලෙස සැලකේ. එමෙන්ම, නවක සහ දක්ෂතා ඇති බොක්සිං ක්රීඩකයන්ට තම හැකියාවන් ප්රදර්ශනය කර ඉදිරි ජාත්යන්තර අවස්ථා දිනාගැනීමට මෙම තරගාවලි ඉතා වටිනා වේදිකාවක් වනු ඇත බව බොක්ස්න් සංගමයේ මාධ්ය අධ්යක්ෂක කුසල් ගුණසේකර වැඩිදුරටත් කියාසිටියා.
