ප්රභූන් 13 දෙනෙකුට ප්රභූ ආරක්ෂාව ලබා දී ඇති බවට පළවූ වාර්තා සම්බන්ධයෙන් කැබිනට් ප්රකාශක අමාත්ය නලින්ද ජයතිස්ස අද (14) අමාත්ය මණ්ඩල තීරණ දැනුම්දීමේ ප්රවෘත්ති සාකච්ඡාවේ දී පැහැදිලි කිරීමක් සිදු කළා.
ඒ, අමාත්ය මණ්ඩල තීරණ දැනුම්දීමේ ප්රවෘත්ති සාකච්ඡාවේ දී මාධ්යවේදී නැඟූ ප්රශ්නයකට පිළිතුරු ලබා දෙමින්.
එලෙස වාර්තා පළ වූ අශෝක රන්වල, මොහොමඩ් රිස්වි සාලි, සරත් කුමාර, අජිත් ශාන්ත, රුවන් විජේවීර, තිලංක යූ ගමගේ, සුනිල් බියන්විල, දිනේෂ් හේමන්ත, රංජිත් මද්දුමබණ්ඩාර, එච්.ඒ ධර්මසේන, ගලගොඩඅත්තේ ඥානසාර හිමි යන 11 දෙනාට ප්රභූ ආරක්ෂාව සපයා නොමැති බව, විශේෂ ආරක්ෂක නියෝජ්ය පොලිස්පතිවරයා විසින් පොලිස්පතිවරයාට වාර්තා කර ඇති බවයි අමාත්යවරයා පැවසුවේ.
ඒ, අනුව අදාළ පිරිසට කිසිදු ප්රභූ ආරක්ෂාවක් සපයා නොමැති බව අමාත්යවරයා මෙහිදී අවධාරණය කළ අතර, රාජ්ය බුද්ධි සේවය තොරතුරු මත පදනම්ව යම් ආරක්ෂාවක් ලබා දී ඇති පිරිසක් ද සිටින බවයි ඔහු මෙහිදී වැඩිදුරටත් පැවසුවේ.
