ලෝක කුසලාන පාපන්දු තරගාවලියේ පසුගිය බදාදා පැවති තරගය සම සත්කාරක මෙක්සිකෝවට එරෙහි පරාජය වන්නට
ඉක්වදෝරයට සිදු වුණා.
ඒ, අනුව ඉක්වදෝරයට මෙවර පාපන්දු ලෝක කුසලානයෙන් ඉවත්වීමට සිදු වූ අතර, මේ සමඟ ඉක්වදෝරය ලෝක කුසලාන සංවිධායකයින්ට පැමිණිල්ලක් ද සිදුකරනු ලැබුවා.
ඒ, තරගයට පෙර දින රාත්රියේ මෙක්සිකානු ප්රේක්ෂකයින් තම කණ්ඩායමේ ක්රීඩකයින්ට හිරහැර වන සේ හැසිරුණු බවයි.
ඉක්වදෝර කණ්ඩායම නවාතැන්ගෙන සිටි හෝටලයට පිටතින් මෙක්සිකානු රසිකයින් ඝෝෂාකාරී ලෙස හැසිරී ක්රීඩකයින්ගේ නින්දට බාධා කළ බවටයි පැමිණිලි කර ඇත්තේ.
මෙක්සිකානු රසිකයින් විසින් නලා, ශබ්ද විකාශන යන්ත්ර සහ අධික ශබ්දය සහිත යතුරුපැදි භාවිත කරමින් ක්රීඩකයින්ගෙන් නින්දට බාධා කර තිබෙනවා.
මේ අතර ඇති වූ මෙම සිදුවීමත් සමඟ මෙක්සිකෝවට එරෙහිව මීළඟ තරගට එක්වන එංගලන්ත කණ්ඩායම ද ආරක්ෂිත ක්රමවේද අනුගමනය කිරීමට පියවර ගෙන ඇති බවයි වාර්තා වන්නේ.
ඒ අනුව ලෝක කුසලාන 16 දෙනාගේ වටයේ ඇස්ටෙකා ක්රීඩාංගනයේ දී හෙට (15) මුහුණදෙන තරගයට පෙර එංගලන්තය ඔවුන්ගේ මෙක්සිකෝ සිටි හෝටලයේ රැඳීසිටීම රහසක් ලෙස තබාගෙන ඇති බවයි වාර්තා වන්නේ.
එමෙන්ම එංගලන්ත ක්රීඩකයින්ට හෙට තරගයට පෙර හොඳ රාත්රී නින්දක් සහතික කිරීම සඳහා කන් ප්ලග්, නින්දේදී දෑස් ආවරණය කරන පටි සහ අවධානය වෙනතකට යොමු කරන පසුබිම් ශබ්ද ආවරණය කරන යන්ත්ර ලබාදී ඇති බව ද වාර්තා වනවා.
wpDiscuz
