තඹුත්තේගම – රාජාංගනය මාර්ගයේ පිහිටි අංගමුව පිටවාන හරහා දැනට පවතින පාලම (ගිනි පෙට්ටි පාලම) අනුරාධපුර – පාදෙණිය මාර්ගය සහ අනුරාධපුර – පුත්තලම මාර්ගය සම්බන්ධ කරන, තඹුත්තේගම – රාජාංගනය මාර්ගයේ පිහිටා ඇති දිය මං පාලමක් වනවා.
දැනට පවතින පාලමේ පථය සාපේක්ෂව පහත් බිම් ප්රදේශයක පිහිටා ඇති අතර, වැසි කාලයේ දී ගං වතුරෙහි බලපෑමට ලක් වීම හේතුවෙන් එම මාර්ගය භාවිත කිරීමට බාධා ඇති වන බවට නිරීක්ෂණය වී තිබෙනවා.
එමෙන්ම, එකී දිය මගෙහි ධාරිතාව අනාගත වාරි මාර්ග ඉල්ලුම සපුරාලීම සඳහා ප්රමාණවත් නොවන බව ද හඳුනා ගනු ලැබ ඇති බව කබිනය් මාධ්ය ප්රකාශක අමාත්ය නලින්ද ජයතිස්ස පවසනවා.
එබැවින්, ජාතික ජල සම්පාදන හා ජලාපවහන මණ්ඩලය යටතේ ක්රියාත්මක වන එප්පාවල, ගිරිබාව, රාජාංගනය සහ නොච්චියාගම ඒකාබද්ධ ජල සම්පාදන ව්යාපෘතියේ ප්රතිපාදන භාවිත කරමින් අංගමුව පිටවාන හරහා දැනට පවතින පාලම වෙනුවට වැඩි ධාරිතාවකින් යුත් නව දිය මං ආකාරයේ පාලමක් එම ස්ථානයේම ඉදි කිරීමේ ව්යාපෘතියක් සැලසුම් කර තිබෙනවා.
ඒ අනුව, රුපියල් මිලියන 241.45ක ඇස්තමේන්තු පිරිවැයක් යටතේ යෝජිත ව්යාපෘතිය ක්රියාත්මක කිරීම පිණිස ප්රවාහන, මහා මාර්ග සහ නාගරික සංවර්ධන අමාත්යතුමා; සහ නිවාස, ඉදිකිරීම් සහ ජලසම්පාදන අමාත්යතුමා ඉදිරිපත් කළ ඒකාබද්ධ යෝජනාව අමාත්ය මණ්ඩලය විසින් අනුමත කර තිබෙනවා.
