ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශ වල සුළගේ වේගය විටින් විට පැ.කි.මී. 50-60 දක්වා වැඩි වන අතර එම මුහුදු ප්රදේශ විටින් විට රළු වන බව කාලගුණ විද්යා දෙපාර්තමේන්තුව පවසනවා.
හෙට (17) පෙරවරු 10.30 දක්වා වලංගු වන පරිදි අවවාදාත්මක නිවේදනයක් නිකුත් කරමින් කාලගුණ විද්යා දෙපාර්තමේන්තුව මේ බව නිවේදනය කර තිබෙනවා.
එබැවින්, නාවික සහ ධීවර ප්රජාවන් මේ පිළිබඳව අවදානයෙන් කටයුතු කරන ලෙසයි කාලගුණ විද්යා දෙපාර්තමේන්තුව ඉල්ලා සිටින්නේ.
කල්පිටිය සිට කොළඹ, ගාල්ල දක්වා හම්බන්තොට හරහා පොතුවිල් වෙරළට ඔබ්බෙන් වන මුහුදු ප්රදේශවල මුහුදු රළ උස මීටර් 2.0 – 2.5 ක් පමණ ඉහළ යාමේ හැකියාවක් පවතින බවද අවවාදාත්මක නිවේදනයේ සඳහන්.
කාලගුණ විද්යා දෙපාර්තමේන්තුව විසින් මේ සම්බන්ධයෙන් නිකුත් කරනු ලබන ඉදිරි නිවේදන පිළිබඳව, අවධානයෙන් පසු වන ලෙස ධීවර හා නාවික ප්රජාවගෙන් කාලගුණ විද්යා දෙපාර්තමේන්තුව ඉල්ලා සිටිනවා.
