අධික ලෙස බීමත්ව, මගීන් ප්රවාහනය බස් රථ රියදුරෙක් ඊයේ (29) දින රාත්රියේ සැකපිට අත්අඩංගුවට ගත් බව බගවන්තලාව පොලිසිය පවසනවා.
හැටන් සිට රාණිකාඩුව දක්වා ධාවනය වූ මෙම බස් රථයේ රියදුරු අධික ලෙස බීමත්ව බස් රථය ධාවනය කරන බවට බස් රථයේ ගමන් ගත් මගීන් විසින් බගවන්තලාව පොලිසිය වෙත කල දැනුම්දීමක් මත බගවන්තලාව පොලිසියේ නිළධාරින්
විසින් බස් රථය ලුහුබැද ගොස් බස් රථය බගවන්තලාව, කැම්පියන් නගරයේ දි නතරකර රියදුරුව සැකපිට අත්අඩංගුවට ගෙන තිබෙනවා.
රියදුරු අත්අඩංගුවට ගන්නා අවස්ථාවේ එම බස් රථය තුල මගීන් 25 දෙනෙක් පමණ සිටි බවත්, එම මගීන්ව වෙනත් බස් රථවලින් සිය ගමනාන්තය දක්වා යැවීමට කටයුතු කළ බව බගවන්තලාව පොලිසිය වැඩිදුරටත් කියා සිටියා.
අත්අඩංගුවට ගත් රියදුරා පොලිස් ඇප මත මුදාහැර ඇති අතර, ඔහුව එරෙහිව හැටන් මහේස්ත්රාත් අධිකරණයේ නෛතික පියවර ගන්නා බවයි බගවන්තලාව පොලිසියේ ස්ථානාධිපතිවරයා පවසන්නේ.
