යාපනය දිස්ත්රික් පාර්ලිමේන්තු මන්ත්රී රාමනාදන් අර්චුනාට ගින් පහරදුන් කාන්තාවක් අත්අඩංගුවට ගැනීමෙන් අනතුරුව රක්ෂිත බන්ධනාගාර ගතකර තිබෙනවා.
ඉඩම් ආරවුලක් හේතුවෙන් මෙම පහරදීම සිදුකර ඇති බවයි පොලිසිය සඳහන් කළේ.
ඉඩමක් සම්බන්ධයෙන් මන්ත්රීවරයා සහ සැකකාර කාන්තාව අතර පෙරේදා (25) දිනයේ මෙම ආරවුල හටගෙන ඇති අතර, එම අවස්ථාවේ කාන්තාව විසින් මන්ත්රීවරයාට ගලකින් පහර දී ඇති බවයි වාර්තා වන්නේ.
අනතුරුව සිද්ධිය සම්බන්ධයෙන් මන්ත්රීවරයා සිදුකළ පැමිණිල්ලකට අනුව ඉලවාලි පොලිසියට විසින් කාන්තාව අත්අඩංගුවට ගෙන තිබෙනවා.
අත්අඩංගුවට ගැනුණු කාන්තාව ඊයේ (26) මල්ලාකම් අධිකරණය වෙත ඉදිරිපත් කිරීමෙන් අනතුරුව ලබන 29 වනදා දක්වා රක්ෂිත බන්ධනාගාර ගතකර ඇති බවයි පොලිසිය වැඩිදුරටත් පැවසුවේ.
පහර කෑමට ලක් වූ රාමනාදන් අර්චුනා මන්ත්රීවරයා ප්රතිකාර සඳහා යොමුව ඇති බවයි වාර්තා වුණේ.
මේ අතර ඉඩමක් සම්බන්ධයෙන් කාන්තාවක් සහ මන්ත්රීවරයා අතර බහින් බස්වීමක් සිදුවන අයුරු දැක්වෙන වීඩියෝවක් ඊයේ දිනයේ සමාජ මාධ්යයේ සංසරණය වුණා.
එම අවස්ථාවේ මන්ත්රීවරයාගේ අතේ ගිනි අවියක් ද ඇති ආකාරය අදාළ වීඩියෝවේ දක්නට ලැබෙනවා.
