වැල්ලවායේ සිට හැටන් – ඇබෝස්ලි වතුයාය දක්වා දර ප්රවාහනය කළ ලොරි රථයක් මාර්ගයෙන් ඉවතට පැන අඩි 100ක් පමණ
ප්රපාතයකට පෙරළී අනතුරක් සිදුව තිබෙනවා.
අද (25) පස්වරුවේ සිදු වූ මෙම අනතුරින් ලොරි රථයේ රියදුරු සහ රිය සහායකවරයා තුවාල ලබා ලිඳුල රෝහල වෙත ඇතුළත් කර ඇති බවයි වාර්තා වන්නේ.
තුවාලකරුවන් බරපතළ තත්ත්වයේ පසුවීම හේතුවෙන් ඔවුන් දෙදෙනා නුවරඑළිය දිස්ත්රික් මහ රෝහලට මාරුකර යැවීමටයි කටයුතු කර ඇත්තේ.
හැටන් – නුවරඑලිළිය ප්රධාන මාර්ගයේ ග්ලාස්ගෝ වතුයා ප්රදේශයේ දී මෙම අනතුර සිදුව ඇති අතර, ලොරි රථයේ තිරිංග පද්ධතිය හදිසියේ ක්රියා විරහිත විමෙන් ඇති වූ කාර්මික දෝශයක් හේතුවෙන් රථය රියදුරුගේ පාලනයෙන් මිදී ප්රපාතයට පෙරළී ඇති බවයි පොලිසිය පවසන්නේ.
දසත නිවුස් වාර්තාකරු සඳහන් කළේ ප්රපාතයට පෙරළී ගිය ලොරි රථය දෙකට මැදින් කැඩී වෙන් වී ඇති බවයි.
අනතුර සම්බන්ධයෙන් ලිඳුල පොලිසිය වැඩිදුර විමර්ශන සිදුකරනු ලබනවා.
