ඇමරිකානු උප ජනාධිපති ජේ.ඩී. වැන්ස් රැගත් එක්සත් ජනපද එයාර්ෆොස් 02 ගුවන් යානයට පාකිස්ථාන ගුවන් සීමාවේ දී විශේෂ ආරක්ෂාවක් සැලසීමට පාකිස්ථානය කටයුතු කර තිබෙනවා.
ජේ.ඩී. වැන්ස් රැගත් සහ ඇමරිකානු දූත පිරිස රැගත් බෝයිං සී-32ඒ ගුවන් යානය පාකිස්ථාන ගුවන් සීමාවට ඇතුළුවනවාත් සමඟ පාකිස්ථාන එෆ්-16 ප්රහාරක ජෙට් යානා පහක් එහි ආරක්ෂාව වෙනුවෙන් පරිවාර යාන ලෙස යෙදවීමටයි කටයුතු කර තිබුණේ.
ඇමරිකානු උප ජනාධිපතිවරයා සහ දූත පිරිස රැගත් යානය ඉස්ලාමාබාද් හි නූර් ඛාන් ගුවන් කඳවුරට ගොඩබෑම සිදුකරන තෙක් මෙම ආරක්ෂාව සැපයීමට කටයුතු කර තිබූ බවයි තොරතුරු වාර්තා වුණේ.
1979 ඉස්ලාමීය විප්ලවයෙන් පසු වොෂින්ටනය සහ ටෙහෙරානය අතර පැවැත්වෙන ඉහළම මට්ටමේ මුහුණට මුහුණ සාකච්ඡාව වෙනුවෙන් ඇමරිකානු උප ජනාධිපති ජේ.ඩී. වැන්ස් ප්රමුඛ දූත පිරිස අද (11) දහවල් පාකිස්ථානයේ ඉස්ලාමාබාද් වෙත පැමිණියා.
මෙම සාම සාකච්ඡාව සඳහා එක්වන ඉරාන පාර්ශ්යේ නියෝජිතයින් පිරිස ඊයේ (10) රාත්රියේ ඉස්ලාමාබාද් නුවරට ළඟා වුණා.
