හෝමූස් සමුද්ර සන්ධියේ ගමනාගමනය සඳහා ගාස්තු පැනවීමේ සැලසුමට අනුමැතිය හිමිව තිබෙනවා.
ඉස්ලාමීය විප්ලවවාදී ආරක්ෂක බලකාය (IRGC) අනුබද්ධ ෆාර්ස් ප්රවෘත්ති ඒජන්සිය පවසන්නේ ඉරානයේ පාර්ලිමේන්තු කමිටුවක් මෙම අනුමැතිය ලබා දී ඇති බවයි.
ජාතික ආරක්ෂක කොමිසමේ සාමාජිකයෙකු සැලැස්ම අනුමත කිරීම තහවුරු කර ඇති බව වාර්තා වන අතර, එමඟින් එක්සත් ජනපද සහ ඊශ්රායල නැව් සමුද්ර සන්ධිය හරහා ගමන් කිරීම තහනම් කර තිබෙනවා.
ඊට අමතරව ඉරානයට එරෙහි සම්බාධක පනවා ඇති රටවල නෞකාවලට ද මෙම තහනම පනවා ඇති බවයි වැඩිදුරටත් සඳහන් වන්නේ.
හෝමූස් සමුද්ර සන්ධියෙන් ගමන් ගන්නා නෞකාවලට අයකරන නව ගාස්තු ක්රමය ඉරාන රාජ්ය රූපවාහිනියේ නිවේදනය කළ බව AFP ප්රවෘත්ති ඒජන්සිය වාර්තා කරනවා.
ඉරානය, ඕමානය සමඟ සහයෝගයෙන් මෙම ගාස්තු ක්රමවේදය ක්රියාත්මක කරන බවයි ඉරාන රාජ්ය රූපවාහිනිය නිවේදනය කර ඇත්තේ.
ලෝකයේ බොරතෙල් වලින් 20%ක් පමණ හෝමූස් සමුද්ර සන්ධිය හරහා ගමන් ගන්නා අතර, යුද්ධය ආරම්භ වූ දා සිට එම මාර්ග ඔස්සේ බොරතෙල් ප්රවාහනය සියයට 95 කින් පමණ පහත වැටී තිබෙනවා.
